Ҳиндистоннинг Ҳайдаробод шаҳрида “Дунё гўзали-2025” танлови финали бўлиб ўтди. Гўзаллик унвони Опал Сучату Чуангстрига насиб этди. Шу тариқа биринчи марта таиландлик қиз дунёдаги энг гўзал қизга айланди. Тожни унга ўтган йилги танлов ғолиби чехиялик Кристина Писзкова топширди.
Тожнинг янги эгаси 21 ёшда. Қиз Таммасат университетининг халқаро алоқалар факультетини тамомлаган ва Пхукетда меҳмонхона бизнесини бошқаради. Опал аввалроқ “Мисс Раттанакосин” танловида, кейин эса “Таиланд гўзали” танловида иштирок этган ва шундан сўнг “Олам гўзали-2024” финалчилари қаторидан жой олган.
Қиз хайрия соҳасида фаол бўлиб, уйсиз ҳайвонларни қутқаради ва кўкрак саратони билан оғриган беморларга ёрдам берувчи Opal For Her ташкилотида кўнгилли бўлиб ишлайди. Бўш вақтларида у укулеле (гитарага ўхшаш, лекин кичикроқ ўлчамдаги тўрт торли кичик мусиқа асбоби) чалади ва уй ҳайвонларига эътибор қаратади: унинг 16 та мушуги ва 5 та ити бор.
72- “Дунё гўзали” сифатидаги биринчи нутқида Опал яқин келажакдаги режалари билан ўртоқлашди. “Бу лаҳза нафақат шахсий ғалаба, балки уни кўришларини, эшитишларини ва ниманидир ўзгартиришни хоҳлайдиган ҳар бир ёш қизнинг умумий орзуси. Мен ҳақиқатан ҳам дунёни яхши томонга ўзгартиришни хоҳлайман”, деб ишонтирди унвонли соҳибжамол.
-Jv1jNlOY.avif)
“Биринчи вице гўзал” эфиопиялик Хассет Дереже Адмассу, “Иккинчи вице гўзал” полшалик Майя Клайд, “Учинчи вице гўзал” мартиникалик Орели Жоахим бўлди.
Бу йилги танловда 108 мамлакатдан қизлар иштирок этди. “Дунё гўзали-2025” танловининг финали жанжаллар билан ўтди. Маҳаллий расмийлар тажовузкор маймунлар иштирокчиларга ҳужум қила бошлашидан хавотирда эди. Шу муносабат билан ўрмон хўжалиги “Маймун” операциясини эълон қилди — натижада Рампа ибодатхонаси атрофида яшовчи 150 та макака овланди. Уларни Этурнагарам қўриқхонаси ўрмонига қўйиб юборишди.
Изоҳ (0)