Россия ҳарбий кемаси санкцияга учраган 2 та нефть танкери билан Ла-Манш бўғозидан ўтаётганда сохта ID-сигнал ишлатди. Бу ҳақда BBC хабар берди.
“Бойкий” — бошқариладиган ракеталар билан қуролланган ҳарбий кема 21 июнь куни бўғоз орқали ўтаётганда сохта ID-код намойиш этган. Кузатув натижасида кема илгари фойдаланилган ID’ни ишлатгани маълум бўлган. BBC нашри ID маълумотни кеманинг сунъий йўлдош тасвирлари ва унинг Даниядаги кўприк остидан ўтаётган видеоси билан солиштирган.
У санкция остидаги нефть маҳсулотларини ташийдиган 2 та кема билан бирга ҳаракатлангани айтилган. BBC изоҳ учун Россиянинг Лондондаги элчихонасига мурожаат қилган. Ғарбнинг рус флотига қарши сўнгги санкциялари Москвани танкерларни ҳимоя қилиш шундай чора кўришга мажбурлаган.
“Бойкий” июнь ойида Ғарбий Африкани тарк этган эди. У ерда кема дипломатик миссияда иштирок этган. Интернетда эълон қилинган суратларда кема Гвинея пойтахти Конакрига етиб борганини кўриш мумкин.
Кема автоматлаштирилган идентификация тизимини фаоллаштирмасдан портни тарк этган. Барча кемалар сигнални узаца, ҳарбий кемалар кўпинча сигналсиз ҳаракатланади. Бироқ Канар ороллари яқинида 400000000 идентификация рақами остида сузиб кетаётган кема қисқа вақт ичида кўриниш берган. Юқоридаги код баъзан хавфсизлик сабабли бошқаларни ўзларининг мавжудлиги ҳақида огоҳлантирмоқчи бўлганда қўлланилади.
BBC ўрганган сунъий йўлдош тасвирларида 100 метр узунликдаги “Бойкий”ни аниқланган. Кейинчалик кемага Ҳиндистондан Сувайш канали ва Ўрта ер денгизи орқали — йўлга чиққан иккита нефть танкери қўшилган. Иккала кема ҳам Буюк Британия томонидан санкцияга учраганди.
Кемалар 20 июнда Ла-Манш бўғозида учрашган. Бу ерда Россия ҳарбий-денгиз кемаси радар ва оптик сунъий йўлдош тасвирларида яна кўриниш берган. Сўнгра улар Болтиқ денгизи томон йўл олган, у ерда “Бойкий” Даниядаги Буюк камар кўприги остидан ўтгани қайд этилган.
Май ойида Эстония Россиянинг нефтни олиб кетаётган санкциядаги кемасини тутиб олишга уринган. Шу сабабли Россия “Су-35” қирувчи самолёти Эстония ҳаво ҳудудига киритганди
“Мазкур ҳаракат Британия ва НАТО давлатларини кемаларга яқинлашишдан қайтаришга қаратилгандек кўринади. Сабаби ҳарбий кеманинг мавжудлиги қарама-қаршилик ва янада кескинлашув хавфини оширади”, деди Россиянинг денгиз таҳлиллари маркази катта илмий ходими Дмитрий Горенбург.
Изоҳ (0)