Клублар ўртасидаги жаҳон чемпионати 3-тур доирасидаги баҳслар бошланди. Мусобақанинг B гуруҳидаги сўнгги икки учрашув — “Атлетико” – “Ботафого” ҳамда “Сиэтл Саундерс” – “ПСЖ” жамоалари ўртасида бўлиб ўтди. Гарчи “Атлетико” ушбу баҳсда 1:0 ҳисобида ғалаба қозонган бўлса-да, мусобақа билан хайрлашишга мажбур бўлди. Париж клуби эса “Сиэтл” устидан ишончли ҳисобда зафар қучиб, кейинги босқичга йўл олди.
“Атлетико” – “Ботафого” учрашувида мухлислар ягона гол гувоҳи бўлишди. Учрашувнинг 87-дақиқасида Антуан Гризманн томонидан киритилган гол мадридликларга ғалаба келтирди.
“Сиэтл Саундерс” – “ПСЖ” учрашувида эса парижликлар рақиб дарвозасига жавобсиз икки гол киритишди. Дастлаб, Хвича Кварацхелия 35-дақиқада ҳисобни очди, 66-дақиқада эса Ашраф Ҳакими жамоасининг иккинчи голига муаллифлик қилди. Учрашув 2:0 ҳисобида “ПСЖ” фойдасига якунланди.
Ушбу натижалардан сўнг B гуруҳидаги уч жамоа — “ПСЖ”, “Ботафого” ва “Атлетико” ҳисобида 6 очкодан мавжуд эди. Бироқ тўплар нисбатидаги устунлик эвазига Франция ва Бразилия клублари чорак финал йўлланмасини қўлга киритди. “Атлетико” ҳамда “Сиэтл Саундерс” жамоалари мусобақа билан хайрлашди.
Клублар ўртасидаги Жаҳон чемпионати — 3-тур
24 июнь, сешанба
“Атлетико” — “Ботафога” 1:0
Гол: 1:0 — Гризманн (87).
“Сиэтл Саундерс” — “ПСЖ” 0:2
Голлар: 0:1 — Хвича (35), 0:2 — Ҳакими (66).
Изоҳ (0)