Клублар ўртасидаги Жаҳон чемпионатида 1-тур учрашувлари давом этмоқда. B гуруҳининг икки етакчиси — “Атлетико” ҳамда “ПСЖ” 15 июнь, якшанба оқшомида ўзаро майдонга тушди. Қизиқарли кечган беллашувда парижликлар 4:0 ҳисобида ғалаба қозониб, ўз ҳисобига дастлабки 3 очкони қўшиб қўйди.
Учрашувдаги ҳисоб 19-дақиқада Фабиан Руис томонидан очилди. Биринчи бўлим охирида эса Витиня ҳисобдаги фарқни иккитага етказди.
Иккинчи тайм охирида “ПСЖ” яна иккита гол киритишга муваффақ бўлди. Дастлаб Сенни Майулу Ян Облак дарвозасига йўл топди, 90+7-дақиқада эса Ли Кан Ин пенальтидан жамоасининг тўртинчи голига муаллифлик қилди.
Шу тариқа, “ПСЖ” Клублар ўртасидаги Жаҳон чемпионатини йирик ҳисобдаги ғалаба билан бошлади.
Шунингдек, А гуруҳи 1-тур доирасидаги “Палмейрас” ва “Порту” ўртасидаги баҳсда ҳисоб очилмади. Ҳар икки жамоа ҳам навбатма-навбат рақиб дарвозаси олдида хавфли ҳужумлар уюштирди, бироқ гол уришга муваффақ бўлмади.
Шу тариқа, икки жамоа ҳам биринчи турда 1 очкодан бўлишиб олди.
Клублар ўртасидаги Жаҳон чемпионати
1-тур
А гуруҳи
“ПСЖ” — “Атлетико” 4:0
Голлар: 1:0 — Фабиан Руис (19), 2:0 — Витиня (45+1), 3:0 — Майулу (87), 4:0 — Ли Кан (90+7, пенальти).
“Палмейрас” — “Порту” 0:0
Изоҳ (0)