Mars Incorporated мурожаати асосида қонунбузилишга қарши чора кўрилди, деб хабар берди Рақобат қўмитаси матбуот хизмати “Дарё”га.
Маълум қилинишича, қўмитага Mars Incorporated ХК томонидан ишлаб чиқарилган маҳсулотларни сотишда М&М’s товар белгисидан фойдаланишини маълум қилиб, ўзининг ишончли вакили орқали мурожаат қилган.
Мурожаатда Сурхондарё вилоятида фаолият юритаётган “Сурхон Ошпази” МЧЖ томонидан ишлаб чиқарилаётган маҳсулотларда қўлланилган ТWIX ва BOUNTY номли товар белгилари Mars Incorporated компаниясининг ушбу маҳсулотлари товар белгиларига истеъмолчиларни чалкаштирадиган даражада ўхшашликка эгалиги сабабли уларни ҳақиқий маҳсулот деб қабул қилиш эҳтимолини юзага келтираётгани таъкидланган.
Ўтказилган ўрганишлар давомида, “Сурхон Ошпази” МЧЖ томонидан ишлаб чиқарилаётган маҳсулотлардаги белгиланган товар номлари ҳақиқатдан ҳам хорижий компания товар белгилари билан адаштириш даражасида ўхшаш экани тасдиқланган.
Натижада “Сурхон Ошпази” МЧЖ ҳаракатларида қонун ва қарор билан тасдиқланган талаблар бузилган деб топилди.
Қўмита ҳузуридаги махсус комиссия қарорига асосан “Сурхон Ошпази” МЧЖга нисбатан молиявий жарима қўлланилди. Шунингдек, қонунбузилиш ҳолатини бартараф этиш ва бундай ҳолатларга йўл қўймаслик бўйича бажарилиши мажбурий бўлган кўрсатма берилди.
Изоҳ (0)