Ўзбекистон автомобиль бозори жадал ривожланмоқда: янги ўйинчилар, янги брендлар ва моделлар пайдо бўлмоқда. Тез ривожланаётган брендлардан бири бу Жанубий Кореянинг Киа брендидир. Киа автомобиллари МДҲ мамлакатлари бозорида яхши танилган бўлиб, мамлакатимизда ҳам барқарор талабга эга.
Яқинда Киаънинг расмий дистрибютори бўлган Roodell компанияси, ўзбекистонлик истеъмолчилар учун техник тавсифлари ва нарх сиёсати бўйича энг жозибадор бўлган Киа маҳсулотини аниқлашга қаратилган Cар Cлиниc тадқиқот лойиҳасида иштирок этди. Бу бренднинг Ўзбекистон бозорида муваффақиятли позицияланиши учун муҳим қадамдир.
Cар Cлиниc – Ўзбекистон бозоридаги потенциал автомобиль харидорлари ўртасида фокус-гуруҳлар сўровномаларини ўтказувчи тадқиқот лойиҳасидир. Ушбу тадқиқот мижозларнинг эҳтиёжлари ва умидларини чуқурроқ тушуниш имконини беради ва янги моделларнинг қайси асосий хусусиятлари истеъмолчилар учун энг жозибали эканлигини аниқлаш имконини яратади. Шунингдек, мазкур автомобилни сотиб олаётганда истеъмолчи учун қайси омиллар ва мезонлар муҳимлиги ҳақида маълумот олиш муҳимдир.
Cар Cлиниcънинг тадқиқот усули бозорда дистрибюторликка эга автомобиль ишлаб чиқарувчилари учун стандарт бўлиб, компанияларга ўз маҳсулотларини маҳаллий шароит ва талабларга мослаштириш имконини беради, бу эса маҳсулотни бозорда муваффақиятли позицияланишини таъминлайди. Олинган маълумотлар Ўзбекистон бозорида автомобилларнинг рақобатбардошлигини ошириш ва истеъмолчиларнинг хоҳиш-истакларини қондиришга ҳам имкон беради.
.jpg)
Аниқлашимизча, гап бу сафар, сотувларининг бошланиши 2024 йилнинг биринчи ёки иккинчи чорагида режалаштирилган янги Киаънинг янги модели ҳақида кетмоқда. Янги модел ихчам кроссовер бўлиб, респондентларнинг фикрига кўра, бизнинг бозорда яхши талабга эга бўлади.
Расмий дистрибютор вакиллари бу ҳақда изоҳ беришдан бош тортдилар, бироқ бренд ўзбекистонлик истеъмолчиларни хушнуд этишда давом этишини айтиб, янгиликларни кузатиб боришни тавсия қилдилар.
Таъкидлаш жоизки, бренд мамлакатимиз бозорида ўз ўрнини жадал равишда эгаллаб бормоқда, масалан, 2023 йилнинг январидан июнигача бўлган даврда, Киа автомобилларининг сотувлари 7 мингдан ортиқ автомобилни ташкил этди ва Ўзбекистонда бренд учун тарихий максимум даражага етди.
Компания Ўзбекистонда ўзининг дилерлик тармоғини фаол ривожлантириб, мижозларга сифатли хизмат кўрсатиш ва кенг турдаги моделлар қаторини тақдим этмоқда. Бундан ташқари, Киа бренди мижозларни қондириш сиёсатига риоя қилади ва ўз автомобиллари учун турли молиялаштириш ва кафолат дастурларини таклиф этади.
Киа автомобилларига Ўзбекистонда талабнинг ортиб бораётгани истеъмолчиларнинг ушбу брендга ва маҳсулот сифатига бўлган ишончидан далолат беради. Жанубий Кореянинг автомобиль ишлаб чиқарувчиси, харидорларнинг талаблари ва эҳтиёжларидан келиб чиқиб ривожланиш ва янги моделларни таклиф этишда давом этмоқда. Шу билан бирга, Ўзбекистон автосаноат бозоридаги рақобат юқорилигича қолмоқда ва Киа бозордаги ўз улуши учун курашни давом эттирмоқда.
Телефон: 1333
Реклама ҳуқуқи асосида.
Изоҳ (0)