ОПЕН муддатли тўлов хизмати ўртача чекни кўпайтириб, мижозларни кўпроқ маҳсулот харид қилишга ундайди, ҳамда янги харидорларни жалб қилишга ёрдам беради.
Future Опен Technology Group – бу Марказий банк лицензиясига эга бўлган тўлов ташкилотидир. Компания молиявий технологиялар йўналишида 2019 йилдан буён фаолият юритади. Дастлабки уч йил давомида асосий йўналиш бу банклар ва ритейл-компаниялар учун дастурий таъминотларни ауцорс ишлаб чиқиш бўлган. 2022 йилда компания ўзининг ФинТеч маҳсулоти — муддатли тўлов хизматини ишлаб чиқиш ва уни йўлга қўйишни бошлади.
ОПЕН чакана сотувчилар ва хизмат кўрсатиш корхоналарини ҳамкорлик қилишга ва қўшимча фойда олишга чорлаб, уларга мақсадли интернет трафик, маҳсулот айланмасининг кўпайиши, ҳамда янги содиқ мижозларни жалб қилишни таклиф қилади.
Фоизсиз муддатли тўлов хизмати нафақат бутун дунёда, балки Ўзбекистонда ҳам машҳур тенденциядир. Рақамлаштириш ва банк хизматларининг ривожланиши сабабли онлайн харидларда ҳам, оддий дўконларда ҳам муддатли тўловдан фойдаланиш мумкин бўлди.
“Ўзбекистон бозорида ўзига хос вазият юзага келди — ҳозирда муддатли тўлов хизматини таклиф қилмайдиган ёки бундай маҳсулотни ишга туширишга тайёрланмаётган молиявий ташкилотни топиш қийин. Доимий реклама орқали потенциал мижозлар аллақачон муддатли тўлов бўйича билим ва талабга эга бўлишди. Бироқ аниқ бозор лидери йўқ. Масалан, Россия ёки Беларусда муддатли тўлов карталари бозорининг 90 фоиздан ортиғига эгалик қилувчи Халва картаси мавжуд. Ўзбекистонда ҳали бундай нарса йўқ”, – дейди компания асосчиси Азамат Бегалиев.
Шундай қилиб, компания техник буюртмаларни бажаришдан ўз маҳсулотини – муддатли тўлов хизматини ишлаб чиқаришга ўтишга қарор қилди. ОПЕН Агробанк ҳамкори сифатида фойдаланувчилар учун қулай интерфейсга эга мобил иловани ишга туширишга тайёргарлик кўрмоқда, савдогарлар тармоғини кенгайтирмоқда ва ҳамкорларига кенг кўламли маркетинг хизматларини таклиф қилмоқда.
“Бугунги кунда бизнинг асосий маҳсулотимиз — бу тўлов картаси. Тез орада мобил иловамиз тайёр бўлади, у орқали фойдаланувчилар тўлов картасини очиб, бутун мамлакат бўйлаб дўконларда фойдаланишлари мумкин. Бизнинг бошланғич ҳамкор банкимиз – Агробанк. Шу сабабли, ОПЕН картаси ОПЕН+Агробанк томонидан ко-бренд ҳисобланади. Биз Агробанк билан ҳамкорликни юқори баҳолаймиз. Бу банк бизнесини мукаммал тушунадиган ва инновацион лойиҳаларни амалга оширишга тайёр профессионаллар жамоасидир”, — деди Бегалиев.
Ҳозирги кунда Ўзбекистонда банк сектори жадал ривожланмоқда. Ҳар йили банкларнинг мижозлари ва лойиҳалари кўпайиб бормоқда, рақобат кучайиб бормоқда, янги банк маҳсулотларини тез ва мослашувчан тарзда жорий этиш талаб этилмоқда.
Ўз навбатида, муддатли тўлов хизмати – бу яна бир оддий банк маҳсулотидан анча кўпроқ хизмат тоифасига киради. Маҳсулот шериклар (савдогарлар) кенг тармоғи, қўшма маркетинг, якуний истеъмолчига шахсий ёндашувларни англатади.
“Албатта, банклар ўзлари муддатли тўлов хизматини ишлаб чиқишлари ҳам мумкин, аммо бунинг учун катта куч ва энг муҳими - бошқарувга эътибор қаратишни талаб қилади. Шунинг учун биз ҳамкор банкларга мажбуриятларни оқилона тақсимлаш бўйича таклиф беряпмиз: ОПЕН шерикларни (савдогарларни) топади ва музокаралар олиб боради, маркетинг, реклама, брендни юрғизиш билан шуғулланади, банк эса чакана бизнесининг моҳияти бўлган, ихтисослашган йўналишини амалга ошираверади – кредит рискларини бошқариш, қарз олувчини баҳолаш, шунингдек карталар эмиссияси. Биз, ўз навбатида, барча ресурслар ва эътиборни фақат тўловларга қаратамиз, бошқа қўшимча жараёнларга эмас. Шундай қилиб, биз вазифаларни самарали тақсимладик, натижада ҳар бир шерик ўзи энг яхши бажарадиган иши билан шуғулланади”, – деди лойиҳа менежери Лев Никитин.
Компаниянинг асосий ва стратегик вазифаларидан бири истеъмолчиларни жалб қилиш, савдогарлар ва уларнинг маҳсулотларини илгари суриш учун маркетинг фаолиятини ривожлантиришдир. Компания фаол маркетинг кампаниясини режалаштирмоқда. Бу телевидение, радио ва ташқи баннерларда реклама, шунингдек, савдогарлар ва уларнинг маҳсулотлари ҳамда хизматларини кенг тарғиб қилишни ўз ичига олади. ОПЕН харидларни рағбатлантиришга қаратилган CRM кампанияларига алоҳида эътибор беради.
“Сўнгги йилларда потенциал дўконлар томонидан лойиҳамизга қизиқиш сезиларли даражада ошганидан мамнунмиз. Биз фойдаланувчига кенг танлов таклиф қилишга интиламиз. Бунинг учун биз маиший техника, электроника, заргарлик буюмлари, узоқ муддат фойдаланиладиган товарлар сотувчилари ва сайёҳлик агентликлари билан ҳамкорлик қиламиз. Маҳсулот ишга туширилгунга қадар биз ҳамкорлар сонини кўпайтирамиз ва бу ишни доимий равишда давом эттирамиз. ОПЕН сизга катта нарса учун узоқ вақт жамғариш эмас, балки дарҳол харид қилиш имкониятини беради”, — дея таъкидлайди Никитин.
Бошқа мамлакатларда олиб борилган тадқиқотлар шуни кўрсатдики, муддатли тўлов олишда ўртача чек ўз пулингиз билан сотиб олгандан кўра 50-80 фоизга юқори. Ушбу ёндашув сотувчиларга қимматроқ нарсаларни юқори маржа билан сотиш ва тегишли маҳсулотларни сотиш орқали айланмани ва шунга мос равишда фойданинг ўзини оширишга имкон беради. Шу билан бирга, истеъмолчилар муддатли тўлов имконияти бор дўконларни афзал кўришади. Шундай қилиб, ОПЕН ҳамкор дўконга янги содиқ мижозларни олиб келади.
ОПЕН компанияси тўлов ташкилоти лицензиясини олди ва бу компанияга муддатли тўлов орқали харид қилиш учун барча тўловларни мустақил равишда ташкил этиш ва амалга ошириш имконини беради.
Дастур ҳамкори бўлиш учун махсус тўлов терминалларини харид қилиш ва ўрнатиш, ходимларга муддатли тўлов хизматини ўргатиш шарт эмас. Бу муддатли тўлов хизматини йирик ривожланган чакана савдо тармоғига ҳам, кичик дўконга ҳам тенг даражада осон ва тез улаш имконини беради. Истеъмолчи мобил илова ёрдамида QR-кодни сканерлайди ва тўловни амалга ошириш учун битта тугмани босади.
Барча тўловлар мобил илова орқали амалга оширилади. Харидлар учун тўловлар автоматик равишда белгиланади, сотувчи томонидан ҳеч қандай ҳаракат талаб этилмайди. Кейинги банк кунида пул ҳамкор дўконнинг ҳисобига тушади.
“Саъй-ҳаракатларимизнинг алоҳида йўналиши бу жамоа ва ҳамкорларни қўллаб-қувватлаш жараёнларидир. ОПЕН доирасидаги алоҳида “адвокат-шериклар” гуруҳи ҳар қандай шерикнинг муаммосини унга қулай бўлган исталган канал – Telegram, чат, телефон ёки электрон почта орқали ҳал қила олади. Агар керак бўлса, бундай ходим ҳар қандай ҳамкасбини - IT, юридик бўлим ёки бухгалтерия бўлимидан тезда улаб бера олади. Биз ҳамкорлар билан боғлиқ барча муаммоларни реал вақт режимида, уларни ортиқча куттирмасдан ҳал қилинишини таъминлашга интиламиз”, – дея таъкидлайди Никитин.
Компания корхоналарнинг фаолияти ҳар хиллигини ва ўзига хос хусусиятларга эга эканлигини тушунади, шунинг учун улар учун мослашувчан бўлишга ва шерикларга индивидуал асосда қулай шарт-шароитларни тақдим этишга тайёр, биринчи навбатда, бу харид нархи ва комиссиялар бўйича фоиз ставкаларига тегишли. Лойиҳа ишга туширилгунга қадар компания савдогарлар тармоғини фаол равишда кенгайтирмоқда. Шундай қилиб, энди компаниялар учун ОПЕН шериклари тармоғига уланиш учун қулай шартлар тақдим этилади.
Муддатли тўлов – бу мижоз учун катта аҳамиятга эга бўлган молиявий маҳсулотдир. Бу ҳозирнинг ўзида юқори сифатли ва функсионал маҳсулотларни сотиб олиш имконини беради. Тадқиқотлар шуни кўрсатдики, мижозлар ушбу қийматни тушунишади ва бундай харидларга катта қизиқиш билдиришади.
Телефон: +998 71 200 15 45
Сайт: opencard.uz
Э-маил: hello@opentech.uz
Реклама ҳуқуқи асосида.
Изоҳ (0)