Миллий сертификатга эга ўзбек тили ва адабиёти фани ўқитувчиларига 50 фоиз устама тўланади. Бу ҳақда Шавкат Мирзиёев расилигида 22 декабрь куни бўлиб ўтган Республика Маънавият ва маърифат кенгаши йиғилишида маълум қилинди.
Йиғилишда ўзбек тилининг давлат тили сифатидаги нуфузини оширишга алоҳида эътибор қаратилиши айтилди.
Президент ўзбек тили ва адабиёти фани ўқитувчиларига ҳам халқаро сертификатга эга бўлган бошқа фан ўқитувчиларидан кам бўлмаган миқдорда қўшимча ҳақ тўланиши адолатдан бўлишини таъкидлади. Шу мақсадда миллий сертификатга эга бўлган ўзбек тили ва адабиёти фани ўқитувчиларига келгуси ўқув йилидан бошлаб 50 фоиз устама тўланади.
Ўзбек тили бўйича халқаро фан олимпиадаси ўтказилиши, ғолиб ва совриндорлари пул мукофоти билан тақдирланиши ҳамда олийгоҳларга ўзбек тили филологияси йўналиши бўйича давлат гранти асосида ўқишга қабул қилиниши белгиланди.
Изоҳ (0)