Бугун, 20 апрель куни Ихтисослаштирилган таълим муассасалари агентлиги тасарруфидаги мактаблар ўқитувчилари ўртасида ўтказилган “Лидер ўқитувчилар” олимпиадаси ғолибларини тақдирлаш маросими бўлиб ўтди.
Унда мактабгача ва мактаб таълими вазири Ҳилола Умарова, Ихтисослаштирилган таълим муассасалари агентлиги директори Алишер Уббиев, академик, Ўзбекистон қаҳрамони Шавкат Аюпов ҳамда устозлар иштирок этишди.
Ушбу олимпида физика, биология ва информатика фанларидан ўтказилди.
Физика фанидан олимпиада натижалари:
- Ширин Баратов — Оҳангарон шаҳар ихтисослаштирилган мактаб-интернати ўқитувчиси 1-ўрин;
- Саиджон Хамроқулов — Қоракўл туман ихтисослаштирилган мактаб-интернати ўқитувчиси 2-ўрин;
- Орифхон Ваққосов — Фориш туман ихтисослаштирилган мактаби ўқитувчиси 3-ўринни эгаллади.
Биология фанидан олимпиада натижалари:
- Абдиманнон Рашидов — Шайхонтоҳур туман ихтисослаштирилган мактаб ўқитувчиси 1-ўрин;
- Садоқат Қўчқорова — Жондор туман ихтисослаштирилган мактаб ўқитувчиси 2-ўрин;
- Албина Алиева — Абу Али ибн Сино номидаги ихтисослаштирилган мактаб ўқитувчиси 3-ўринни қўлга киритди.
Информатика фанидан олимпиада натижалари:
- Шохрух Садуллаев — Янгиариқ туман ихтисослаштирилган мактаби ўқитувчиси 1-ўрин;
- Даврон Авлакулов — Муҳаммад ал-Хоразмий номидаги ихтисослаштирилган мактаб ўқитувчиси 2-ўрин;
- Аскар Алдебаев — Элликқалъа туман ихтисослаштирилган мактаби ўқитувчиси 3-ўринни қўлга киритди.
Шунингдек, ҳар бир фан бўйича энг юқори ўринларни эгаллаган 10 нафардан ўқитувчи ушбу фанларнинг Фан кенгаши аъзолиги сертификатига ҳам эга бўлишди.
Қолаверса, “Лидер ўқитувчилар” олимпиадасининг математика, кимё, физика, биология ва информатика фанларидан 1-ўринни қўлга киритган ўқитувчилар Корея давлатига таълим саёҳати йўлланмаси соҳиби бўлди.
Изоҳ (0)