Қашқадарё вилоятида ҳудуд раҳбари Муроджон Азимов ташаббуси билан ташкил этилган фан олимпиадаси ғолиблари Қарши давлат университетига имтиҳонсиз қабул қилинди. Бу ҳақда “Дарё”га ҳокимлик ахборот хизмати раҳбари Аҳрор Содиқов хабар берди.
Билдирилишича, фан олимпиадаси ғолиблари университетда грант асосида таҳсил олади.
Вилоят ҳокими ташаббуси билан жорий йилда ҳам 11-синф ўқувчилари ўртасида ташкил этилган уч босқичли “Вилоят ҳокими фан олимпиадаси”нинг вилоят босқичи ғолиблари тақдирланди. Шу муносабат билан ташкил этилган тадбирда вилоят ҳокими Муроджон Азимов сўз олиб, ёшларни қутлади. Тақдирлаш жараёнларида соҳа масъуллари, педагоглар, ғолиб ўқувчилар ва уларнинг устозлари ҳамда яқин қариндошлари иштирок этиб, ғолибларга вилоят ҳокимлигининг қимматбаҳо совғалари топширилди, — дейди Аҳрор Содиқов.
-PwodhEds.jpg)
Вилоят ҳокими ташаббуси билан ташкил этилган фан олимпиадасида ўқувчиларнинг математика, физика, биология, кимё, информатика ва ахборот технологиялари, шунингдек, тарих, она тили ва адабиёт, хорижий тиллар бўйича билимлари синовдан ўтказилган.
Мазкур фан олимпиадасининг физика, кимё ва биология фанлари бўйича иштирокчиларидан 1, 2 ва 3-ўринни қўлга киритган 9 нафар битирувчи Қарши давлат университетига имтиҳонсиз, давлат гранти асосида талабаликка тавсия этилган.
Тадбирда ёшларга махсус сертификатлар топширилиб, президент соврини учун “Хорижий тилларни ўқитиш бўйича энг яхши мактаб” танловининг вилоят босқичи ғолибларига ҳам пул мукофотлари берилган.
Изоҳ (0)