The Best. Лионель Месси ва Эрлинг Ҳоланд бир хил балл тўплаган. Фақатгина бир кўрсаткич эвазига аргентиналик футболчи устун келган

Англиянинг Лондон шаҳрида The Best совринини топшириш маросими бўлиб ўтди.

“Интер Майами” ҳужумчиси Лионель Месси 2023 йилнинг энг яхши футболчиси деб топилди. Қайд этиб ўтиш жоизки, Лео ва “Манчестер Сити” футболчиси Эрлинг Ҳоланд бир хил, 48 очкодан жамғаришга муваффақ бўлган.

Фақатгина терма жамоа сардорлари унга кўпроқ овозга бергани эвазига, совринни олди. Учинчи ўриндаги Килиан Мбаппе эса 35 очко тўплаган.

Мессининг ўзи овоз бериш жараёнида Эрлинг Ҳоландни биринчи ўринга қўйган. Иккинчи ўринда Килиан Мбаппе (“ПСЖ”, Франция) ва учинчи ўринда Хулиан Алварес (“Манчестер Сити”, Аргентина) қайд этилган. 

Криштиану Роналду эса Португалия терма жамоаси сардори сифатида овоз бериш жараёнида иштирок этмаган. Унинг ўрнига ҳимоячи Пепе овоз берган. Португалиялик футболчи биринчи ўринга Бернарду Сильвани (“Манчестер Юнайтед”, Португалия), иккинчи ўринга Эрлинг Ҳоланд (“Манчестер Сити”, Норвегия) ва учинчи ўринга Виктор Осимҳенни (“Наполи”, Нигерия) қўйган.

Лионель Месси ўз фаолиятида 3 марта The Best совринига эга чиқмоқда ва бу борада рекордчига айланди. Ундан олдин аргентиналик футболчи 2019 ва 2022 йилларда ушбу совринга лойиқ кўрилган. 

ФИФА талқинига кўра йилнинг энг яхши футболчиси сифатида Криштиану Роналду ва Роберт Левандовскилар икки мартадан эътироф этилган. 

Яна бир The Best соврини эса Лука Модричга (“Реал”, Хорватия терма жамоаси) насиб этган.