“Манчестер Сити” ва Норвегия терма жамоаси ҳужумчиси Эрлинг Ҳоланд 60 Швейцария франки (64,36 евро) миқдоридаги тўланмаган жарима туфайли Швейцарияга келса, бир кунлик қамоқ жазосига маҳкум этилиши мумкин, деб хабар беради Blick нашри.
Ҳоланднинг исми Швейцариянинг ғарб қисмида жойлашган Во кантонидаги расмий эълонлар рўйхатида қайд этилган. Агар футболчи тўловни амалга оширмаса, кейинги сафар Швейцарияга келганида ҳибсга олиниши ва бир кун қамоқда ўтириши мумкин.
Ҳоланднинг отаси, собиқ норвегиялик футболчи Алф-Инге Ҳоланд Швейцарияда яшайди.
Маълумот учун, Ҳоланд 24 ёшда. У “Манчестер Сити”да 2022 йилдан буён ўйнаб келмоқда. Норвегиялик футболчи инглиз клуби таркибида икки бор Англия чемпиони бўлди. Бундан ташқари, Англия Кубоги, Англия Суперкубоги, Чемпионлар Лигаси ва УЕФА Суперкубогини қўлга киритди. Норвегия терма жамоасида гол уриш бўйича рекорд ҳам Ҳоландга тегишли (38).
Изоҳ (0)