Turkiyalik mashhur aktrisa Melisa Asli Pamuk shaxsiy hayotini ko‘z-ko‘z qilishni yoqtirmaydigan san’atkorlardan biri. Hatto uning turmushi va to‘y marosimi haqida ham muxlislar oradan bir necha hafta o‘tgachgina xabar topishgan edi. “Sevgi iztirobi” seriali yulduzi o‘g‘li bilan tushgan suratni e’lon qildi.
2025-yil 29-yanvar kuni Melisa Asli Pamuk ilk bor ona bo‘ldi. U o‘g‘il farzand ko‘rdi. Chaqaloqqa Milan ismi qo‘yildi. E’tiborlisi shundaki, u aynan otasi mashhur futbolchi Yusuf Yazichining tug‘ilgan kunida dunyoga kelgan.
Hozirgacha “Sevgi iztirobi” yulduzi bolaning qayerda va qanday tug‘ilgani haqida hech qanday ma’lumot bermagan edi. Biroq 6-may kuni Melisa o‘z qoidasidan chekinib, ilk bor o‘g‘lining yuzini ommaga ko‘rsatdi.
Pamuk o‘g‘li Milan bilan birga futbol o‘yiniga bordi va hozirda Gretsiyaning “Olimpiakos” klubida to‘p surayotgan turmush o‘rtog‘i Yusufni g‘alaba bilan tabrikladi. U ijtimoiy tarmoqlardagi sahifasida oilaviy suratni ulashdi.
Aktrisaning muxlislari Yusuf va Melisani baxtiyor va mamnun ko‘rinishidan xursand bo‘ldi. Faqatgina izohlar ikki guruhga bo‘lindi. Ayrimlar Milanni onasiga o‘xshatishsa, boshqalar bolaning otasiga juda o‘xshashligini ta’kidladi.
Izoh (0)