Футбол бўйича Ўзбекистон Суперлигасининг 3-туридан ўрин олган навбатдаги баҳслар 28 март, жума куни бўлиб ўтди.
Унда Навоийнинг “Қизилқум” жамоаси ўз майдонида Олмалиқнинг “ОКМК” жамоасини қабул қилди. Учрашувда ҳисоб 12-дақиқада очилди. Ислом Тўхтахўжаев Абдураззоқовнинг узатмасидан сўнг гол урди.
31-дақиқада олмалиқликлар ҳисобни иккитага ошириши мумкин эди, аммо Хуршид Ғиёсов пенальтидан унумли фойдалана олмади. Оқибатда “Қизилқум” рақибни жазолади. 40-дақиқада Элгужа Лобжанидзе пенальтидан унумли фойдаланди ва ҳисобни тенглаштирди.
Иккинчи бўлимда Миржалол Қосимов янада фаоллашди. 51-дақиқада Гиорги Папава жамоасини ҳисобда олдинга олиб чиққан бўлса, 75-дақиқага келиб Нодирбек Абдураззоқов ҳисобни 1:3 кўринишига келтириб қўйди.
Ушбу ғалаба билан “ОКМК” 9 очко билан 1-ўринга кўтарилиб олди. Навоий клуби эса 3 очко билан 9-ўринни эгаллаб турибди.
Суперлига
3-тур
28 март, жума
“Қизилқум” — “ОКМК” 1:3
Голлар: 0:1 — 12, Ислом Тўхтахўжаев, 1:1 — 40, Элгужа Лобжанидзе (пенальти), 1:2 – 51, Гиорги Папава, 1:3 – 75, Нодирбек Абдураззоқов.
Амалга оширилмаган пенальти: 31, Хуршид Ғиёсов.
“Қизилқум”: 30.Фарҳод Раҳматов, 4.Илҳом Ваҳобов, 5.Дилшод Комилов, 8.Шаҳзод Раҳматуллаев, 10.Роман Папарига, 11.Жаба Жигаури, 15.Никола Кумбурович, 18.Фарҳод Бекмуродов (70.Ален Машович, 74), 79.Диёр Раҳматиллоев (77.Файзулло Жуманқўзиев, 74), 88.Душан Мийич, 99.Элгужа Лобжанидзе (7.Даврон Анваров, 80).
“ОКМК”: 35.Жавоҳир Илёсов, 3.Сардор Раҳмонов, 5.Гиорги Папава (30.Аброр Саримсоқов, 70), 6.Авазбек Ўлмасалиев, 7.Дилшод Аҳмадалиев (13.Элдор Бегимов, 87), 10.Хуршид Ғиёсов (99.Асад Собиржонов, 70), 15.Ойбек Рустамов, 20.Ислом Тўхтахўжаев, 21.Саидафзалхон Ахроров, 23.Ажак Риак (27.Али Абдураҳмонов, 46), 77.Нодир Абдураззоқов (28.Арихиро Сентоку, 80).
Изоҳ (0)