Ўзбекистон миллий жамоаси собиқ ярим ҳимоячиси Санжар Турсунов фаолиятини якунлади. Бу ҳақда футболчининг ўзи Instagram саҳифасида маълум қилди.
“Бугун мен профессионал футболдаги фаолиятимга якун ясаганимни эълон қилмоқчиман. Бутун футбол жамоатчилигига, миллий жамоага ва фаолиятим давомида ўйнаган барча клубларга, мураббийларга, жамоадошларимга ҳамда футбол мухлисларига ташаккур изҳор этаман”, деб ёзди 38 ёшли футболчи ижтимоий тармоқлардаги саҳифасида.
Турсунов Ўзбекистон миллий жамоасида 50 ўйинда майдонга тушиб, 5 та гол урган.
Футболчи 1986 йили Тошкентда туғилган. У “Пахтакор” ёшлар жамоасида ўйнаган ва 2006 йилда Россиянинг „Иртиш Омск“ футбол клубига ўтган. Фаолияти давомида “Волга”, “Алания”, “Оренбург”, “Ворскла”, “Умм Салал”, “Ал Ҳуритият”, “Тежон Ситизен”, “Бунёдкор”, ОКМК ва “Локомотив” клубларида ҳаракат қилган.
2012 йили Ўзбекистонда йилнинг энг яхши футболчиси сифатида эътироф этилган.
Изоҳ (0)