Буюк Британия ҳукумати Европа Иттифоқидан пишлоқ ва гўшт маҳсулотларини олиб киришни вақтинча тақиқлади. Бу ҳақда BBC хабар берди.
Чеклов уй ҳайвонлари орасида кенг тарқаладиган оёқ ва оғиз касаллиги (FMD)дини олиш чораси сифатида жорий қилинди. Саёҳатчиларга эпидемия кучайиб бораётгани сабабли қовурилган гўшт ва пишлоқ, жумладан, сендвич каби егуликларни Британияга олиб келишга рухсат берилмайди. Чекловлар товарлар қадоқлангани ёки божсиз сотиб олинганидан қатъи назар амал қилади.
Аввалроқ Германия, Венгрия, Словакия ва Австрияда қорамол касаллиги ҳолатлари кўпайгани сабабли, ҳукумат шунга ўхшаш маҳсулотларга тақиқ қўйган эди. Чекловлар Шимолий Ирландия, Жерси, Гернси ёки Мен оролига эмас, балки Буюк Британияга келадиганларга тааллуқли.
Тақиқланган маҳсулотларни олиб киришга уриниш товар мусодарасига ва уни йўқ қилишга олиб келади. Жиддий қонунбузарлик ҳолатларида эса 5 минг фунт стерлинггача жарима қўлланиши мумкин.
Тақиқланган маҳсулотлар рўйхати қуйидагиларни ўз ичига олади:
- чўчқа гўшти
- мол гўшти
- қўй гўшти
- эчки гўшти
- кийик гўшти
- юқоридаги гўшт турларидан тайёрланган маҳсулотлар (колбаса ва бошқалар)
- сариёғ, пишлоқ, йогурт каби сут маҳсулотлари
Ҳар бир йўловчи 2 килогача болалар учун мўлжалланган бўтқа ёки тиббий сабаблар билан боғлиқ махсус овқатларни олиб кириши мумкин.
Оёқ ва оғиз касаллиги (FMD) юқори даражада юқумли вирус бўлиб, ҳайвонларнинг оғзида ва туёқлари остида пуфакчалар пайдо қилади. Бу ҳолат оқсоқликка ва озиқланишда муаммоларга олиб келади. Ҳозирча Буюк Британияда бу касаллик аниқланмаган.
Мамлакатда охирги марта бундай касаллик 2001 йилда авж олган. Ўшанда атиги 2 мингга яқин ҳолат қайд этилган бўлса-да, профилактика чораси сифатида 6 миллиондан ортиқ қўй, қорамол ва чўчқа йўқ қилинган. Сабаби биргина касалланган ҳайвон бутун фермага вирусни юқтириши мумкин.
Изоҳ (0)