Франция Президенти Эммануэл Макрон, Украина президенти Владимир Зеленский ҳамда Буюк Британия бош вазири Кир Стармер Париждаги Елисей саройида музокара олиб борди. Бу ҳақда Sky News маълум қилмоқда.
Учрашув “истак билдирганлар коалицияси” йиғилиши бошланишидан олдин ўтказилган. Музокаралар тафсилотлари ошкор қилинмаяпти.
Учрашувда 31 мамлакат делегациялари ва раҳбарлари иштирок этади. Мажлисни Макрон ва Стармер бошқаради.
Илгари Стармер Буюк Британия ва Франция Украина билан ҳамкорликда АҚШга тинчлик режасини тақдим этиш устида ишлашини маълум қилганди.
Макрон ва Зеленский икки томонлама учрашувда Украинада тинчликпарвар кучларни жойлаштириш имкониятини муҳокама қилишган.
Хабар қилинишича, Франция ва Британия раҳбарлигидаги “қатъиятли давлатлар коалицияси” бир неча ҳафтадан буён келажакда “ўт очишни тўхтатиш”ни таъминлаш учун Украинага минглаб ҳарбийларни юбориш режаси устида ишламоқда.
Reuters агентлигининг Европа дипломатик доираларидаги манбалари маълум қилишича, логистика муаммолари, қўшинлар етишмаслиги, Россиянинг қаршилиги ва АҚШ томонидан хавфсизлик кафолатларининг йўқлиги сабабли Европада бу режанинг амалга оширилиши мумкинлигига шубҳалар кучаймоқда.
Изоҳ (0)