Киев АҚШ томонидан тақдим этилган ҳарбий ёрдамни қарз сифатида қабул қилмайди.
Бу ҳақда Украина президенти Владимир Зеленский маълум қилди.
Унинг сўзларига кўра, Украина АҚШдан муҳим фойдали қазилмалар бўйича янги шартнома лойиҳасини олди, бу “аввалги асос ҳужжатидан бутунлай фарқ қилади”.
“Биз қўллаб-қувватлаш учун миннатдормиз, лекин бу қарз эмас ва биз бунга йўл қўймаймиз”, деди Украина раҳбари.
Аввалроқ “Европа ҳақиқати” нашри ўз қўлидаги ҳужжат нусхасига таяниб, Украина ва АҚШ ўртасида минерал ресурслар бўйича янги келишув лойиҳаси Киевдан кўрсатилган барча ёрдам учун компенсация тўлашни талаб қилишини, унинг миқдори 120 миллиард доллардан ошиши мумкинлигини хабар қилган эди.
26 март куни АҚШ, Россия ва Украина Ар-Риёдда музокаралар ўтказиб, бир қатор келишувларга эришгани маълум қилинганди.
Изоҳ (0)