Бугун,

  • USD 11095.31
  • RUB 173.84
  • EUR 10772.44

2022 йилдаги Ўзбекистон автомобиль бозоридаги вазият таҳлил қилинди. Бу ҳақда “Дарё”га Иқтисодий тадқиқотлар ва ислоҳотлар маркази хабар берди.

Декабрь ойида ўтган йилнинг бошида бошланган савдонинг ўсиш тенденцияси тўхтатилди. Бироқ, 2022 йилнинг сўнгги ойидаги фаоликнинг пасайишига қарамай, автомобилларга талаб анча юқорилигича қолмоқда. 

Йил давомида сотувлар сони рекорд даражада 87 фоизга ўсди ва 1,4 миллионта автотранспорт воситасини ташкил этди, бу ўтган йилга нисбатан 2 баравар кўп.

Декабрь ойида сотилган автомобилларнинг умумий сони ноябрь ойига нисбатан 32 фоизга камайган ҳолда 107 мингтадан ошди. 

UzAuto Motors томонидан Chevrolet Lacetti, Cobalt, Damas ва Labo автомобиллари билан шартнома тузишнинг вақтинча тўхтатилиши автомобиль бозоридаги фаолликнинг пасайтирувчи омиллардан бири бўлди.

Умуман олганда, мамлакатда йил бошидан буён автомобиллар савдоси ўтган йилнинг шу даврига нисбатан 2 баравар ошди.

Бирламчи ва иккиламчи автомобиль бозоридаги вазият

Декабрь ойи бирламчи автомобиль бозорида сотувларнинг сезиларли даражада камайиши билан ажралиб турди. Бир ой ичида рўйхатга олинган автотранспорт воситалари сони 50 фоизга камайди. Шу билан бирга, ўтган йилнинг шу даврига нисбатан пасайиш деярли 40 фоизни ташкил этди.

Бирламчи ва иккиламчи автомобиль бозори (2021-2022)

Иккиламчи автомобиль бозорида сотувларнинг пасайиши бирламчи бозорга қараганда юқори бўлмади. Шу билан бирга, иккиламчи автомобиль бозори йил давомида икки баравар ошди.

Ўтган йилнинг декабрь ойида иккиламчи бозорда 91 мингдан ортиқ автотранспорт воситалари сотилди, бу ўтган ойга нисбатан 28 фоизга кам.

Умуман олганда, 2022 йилда бирламчи бозорда 312 мингдан ортиқ автотранспорт воситалари сотилган, бу йилга нисбатан 46 фоизга кўпдир. Иккиламчи бозорда 1,1 миллионта автотранспорт воситалари сотилди, бу ўтган йилга нисбатан 2,4 баравар кўп.

Маҳаллий енгил автомобиллар ва хорижий автомобилларнинг бирламчи бозори 

Декабрь ойида маҳаллий брендларнинг янги енгил автомобиллари савдоси ўтган йилнинг шу даврига нисбатан 40 фоизга камайган ҳолда 13,4 мингтани ташкил этди. 

Маҳаллий ва чет элда ишлаб чиқарилган янги енгил автомобиллар савдоси улуш 

Декабрь ойида чет элда ишлаб чиқарилган янги автомобилларнинг сотуви сезиларли даражада 53 фоизга камайди ва 1,4 мингтани ташкил этди. Ўтган йилнинг шу даврига нисбатан пасайиш 43 фоизни ташкил этди.

2022 йилда маҳаллий ишлаб чиқарилган янги автомобиллар савдосининг ўсиши 268 мингтадан ошди, бу ўтган йилга нисбатан қарийб 49 фоизга кўпдир. Умуман олганда, йил давомида Ўзбекистон янги хорижий автомобиллар бозори 35 фоизга ўсиб, 18,4 минг донани ташкил этди.

Изоҳ
Асосий янгиликлар
Маҳаллий
“Андижонда 127 минг нафар ишсиз фуқаро мавжуд. Ҳар йили яна 50 минг нафар ёшлар меҳнат бозорига кириб келади” — президент 
Маҳаллий
Ўзбекистонда 2 февралдан метан заправкалар фаолияти тикланади
Маҳаллий
Жиззах, Самарқанд, Фарғонада электр тармоғига ноқонуний уланиб, қарийб 250 млн сўм зарар етказган тадбиркорлар ушланди