Макроиқтисодий ва ҳудудий тадқиқотлар институти мутахассислари томонидан 2025 йилнинг февраль ойида иккиламчи бозордаги автомобиллар нархлари ўзгариши таҳлил қилинди.
Маҳаллий оммабоп автомобиллар нархи
2025 йилнинг февраль ойида маҳаллий оммабоп автомобилларнинг ўртача нархи пасайди.
Хусусан:
- Onix: ўртача фойдаланилган — 3 фоизга (13 500 доллардан 13 100 долларга), кам фойдаланилган — 0,1 фоизга (14 865 доллардан 14 850 долларга);
- Lacetti: кўп фойдаланилган — 0,3 фоизга (13 500 доллардан 13 461 долларга);
- Cobalt: ўртача фойдаланилган — 2,4 фоизга (12 300 доллардан 12 000 долларга), кам фойдаланилган — 1,2 фоизга (12 750 доллардан 12 600 долларга), кўп фойдаланилган — 0,5 фоизга (11 600 доллардан 11 538 долларга);
- Nexia: ўртача фойдаланилган — 1,9 фоизга (11 500 доллардан 11 284 долларга); кўп фойдаланилган — 0,9 фоизга (10 800 доллардан 10 700 долларга);
- Spark: ўртача фойдаланилган — 1 фоизга (10 500 доллардан 10 400 долларга), кўп фойдаланилган — 0,9 фоизга (9 600 доллардан 9 500 долларга);
- Damas: ўртача фойдаланилган — 3,6 фоизга (7 985 доллардан 7 000 долларга), кам фойдаланилган — 0,8 фоизга (8 061 доллардан 8 000 долларга) арзонлашган.
Маҳаллий люкс автомобиллар нархи
Equinox: кўп фойдаланилгани 1,1 фоизга (27 300 доллардан 27 000 долларга) арзонлаган бўлса, ўртача фойдаланилгани эса 3,2 фоизга (31 000 доллардан 32 000 долларга) қимматлашди.
Malibu: кам фойдаланилгани 0,7 фоизга (31 907 доллардан 31 682 долларга) арзонлашган бўлса, ўртача фойдаланилгани деярли ўзгаришсиз (29 000 доллардан 29 070 долларга) қолган.
Tracker: кўп фойдаланилгани 1,1 фоизга (16 984 доллардан 16 800 долларга) тушган бўлса, кам ва ўртача фойдаланилгани нархларида ўзгариш кузатилмаган.
Электромобиллар нархи
Мазкур даврда BYD E2 нарх жиҳатидан маҳаллий оммабоп автомобилларга жиддий рақобатчига айланган бўлса, янги BYD Song Plus автомобиллари нархлари сезиларли арзонлади.
- BYD E2: янги — 1,8 фоизга (16 800 доллардан 16 500 долларга), кўп фойдаланилган — 2,0 фоизга (14 800 доллардан 14 500 долларга);
- BYD Han: янги — 0,5 фоизга (32 150 доллардан 32 000 долларга), ўртача фойдаланилган — 4,4 фоизга (36 500 доллардан 34 900 долларга);
- BYD Song Plus DM-i Champion: янги — 1,7 фоизга (29 000 доллардан 28 500 долларга), ўртача фойдаланилган — 0,2 фоизга (27 050 доллардан 27 000 долларга), кўп фойдаланилган — 0,6 фоизга (24 650 дан 24 500 га);
- BYD Song Plus EV Champion: янги — 1,1 фоизга (28 000 доллардан 27 700 долларга);
- BYD Yuan Up: янги — 1,4 фоизга (20 800 доллардан 20 514 долларга) арзонлаган.
Хорижий автомобиллар нархи
- Kia Sorento: ўртача фойдаланилгани 1,3 фоизга (40 000 доллардан 39 500 долларга) арзонлаган бўлса, кўп фойдаланилгани 1,3 фоизга (40 000 доллардан 39 500 долларга) қимматлашди.
- Kia Sportage: ўртача фойдаланилгани 2,3 фоизга (31 590 доллардан 30 850 долларга), кўп фойдаланилгани 4,6 фоизга (29 733 доллардан 28 363 долларга) арзонлаган.
- Kia К5: ўртача фойдаланилгани 1,3 фоизга (27 549 доллардан 27 200 долларга), кўп фойдаланилгани 1,9 фоизга (26 500 доллардан 26 000 долларга) тушган.
Автомобиллар босиб ўтган масофаси ҳамда ишлаб чиқарилган йилига кўра, қуйидаги гуруҳларга ажратиб олинди:
“Кам фойдаланилган” — 2024 йилда ишлаб чиқарилган ҳамда босиб ўтган масофаси 20 000 км гача бўлган автомобиллар ҳамда 2025 йилда ишлаб чиқарилган барча автомобиллар;
“Ўртача фойдаланилган” — 2024 йилда ишлаб чиқарилган ҳамда босиб ўтган масофаси 20 000 км дан 50 000 км гача бўлган автомобиллар, шунингдек, 2022-2023 йилларда ишлаб чиқарилган ҳамда босиб ўтган масофаси 40 000 км гача бўлган автомобиллар;
“Кўп фойдаланилган” — 2024 йилда ишлаб чиқарилган ва босиб ўтган масофаси 50 000 км дан кўп бўлган автомобиллар, 2022—2023 йилларда ишлаб чиқарилган ҳамда 40 000 км дан ортиқ масофани босиб ўтган автомобиллар ҳамда 2021 йилда ишлаб чиқарилган барча автомобиллар.
Нархларни таҳлил қилишда маълумотлар olx.uz платформасидан веб скрепинг орқали тўпланди. Бунда ишлаб чиқарилган йили 2021 йилдан юқори бўлган автомобилларнинг январь ойи учун 20,2 мингта, февраль ойи учун 18,5 мингта маълумотидан фойдаланилди.
МҲТИ мутахассисларининг иккиламчи автомобиль бозори бўйича аввалги таҳлили
2024 йилнинг ноябрь ойида ўртача фойдаланилган маҳаллий оммабоп автомобиллар ҳамда хорижий люкс автомобиллар ўртача нархлари пасайган бўлса, маҳаллий люкс ва электромобиллар нархларида сезиларли ўзгариш кузатилмади. 2024 йил декабрь ойида иккиламчи автомобиль бозорида фаоллик пасайишда давом этди ва бу ўртача нархларда ўз аксини топганди. 2025 йилнинг январида Ўзбекистон иккиламчи автомобиль бозорида январь ойида пасайиш давом этди. Маҳаллий оммабоп автомобиллар нархи 2024 йилнинг декабрь ойидагига нисбатан арзонлашди.
Изоҳ (0)