Қашқадарё вилояти Яккабоғ туманида иккита Damas тўқнашиб кетди. Бу ҳақда вилоят ИИБ хабар берди.
Маълум қилинишича, ҳодиса 18 март куни соат 12:15 ларда Яккабоғ тумани “Истиқлол” МФЙ ҳудудидан ўтган давлат аҳамиятидаги Яккабоғ—Чироқчи—Шўрбозор автомобиль йўлининг 11-километрида содир бўлган.
Ҳаракатланиб келаётган Damas ҳайдовчиси қувиб ўтиш қоидаларига амал қилмасдан қарама-қарши йўналишдан ҳаракатланиб келаётган бошқа бир Damas русумли транспорт воситасининг йўлига чиқиб кетиш оқибатида йўл-транспорт ҳодисаси содир этган.
Ҳодиса натижада ўз йўналишида келаётган Damasнинг бир нафар йўловчиси олган тан жароҳати сабаб тиббиёт бирлашмасига етказилган.
Ҳозирда мазкур ҳолат юзасидан суриштирув ҳаракатлари олиб борилмоқда.
Март ойида содир бўлган ЙТҲлар
Жиззахда 13 март куни рулда ухлаб қолган Matiz ҳайдовчиси юк машинасига урилиши оқибатида ҳалок бўлганди. 12 март куни Тошкентда дарахтга урилган Lacetti пачақланиб кетди. 7 март куни Навоийда Damas ва Cobalt тўқнашиши оқибатида бир киши жароҳатланди. 17 март куни соат 06:30 ларда Тошкент—Бекобод автомобиль йўлида ҳаракатланиб кетаётган юк машинаси (дастлабки маълумотга кўра ҳайдовчиси ухлаб қолиши натижасида) қарама қарши йўналишга чиқиб кетиб, Isuzu автомобили билан тўқнашган.
Шунингдек, Тошкентда Lexus ҳайдовчиси катта тезликда келиб, йўл четида турган машина ва қарияни уриб юборганди.
Изоҳ (0)