Qashqadaryo viloyati Yakkabog‘ tumanida ikkita Damas to‘qnashib ketdi. Bu haqda viloyat IIB xabar berdi.
Ma’lum qilinishicha, hodisa 18-mart kuni soat 12:15 larda Yakkabog‘ tumani “Istiqlol” MFY hududidan o‘tgan davlat ahamiyatidagi Yakkabog‘—Chiroqchi—Sho‘rbozor avtomobil yo‘lining 11-kilometrida sodir bo‘lgan.
Harakatlanib kelayotgan Damas haydovchisi quvib o‘tish qoidalariga amal qilmasdan qarama-qarshi yo‘nalishdan harakatlanib kelayotgan boshqa bir Damas rusumli transport vositasining yo‘liga chiqib ketish oqibatida yo‘l-transport hodisasi sodir etgan.
Hodisa natijada o‘z yo‘nalishida kelayotgan Damasning bir nafar yo‘lovchisi olgan tan jarohati sabab tibbiyot birlashmasiga yetkazilgan.
Hozirda mazkur holat yuzasidan surishtiruv harakatlari olib borilmoqda.
Mart oyida sodir bo‘lgan YTHlar
Jizzaxda 13-mart kuni rulda uxlab qolgan Matiz haydovchisi yuk mashinasiga urilishi oqibatida halok bo‘lgandi. 12-mart kuni Toshkentda daraxtga urilgan Lacetti pachaqlanib ketdi. 7-mart kuni Navoiyda Damas va Cobalt to‘qnashishi oqibatida bir kishi jarohatlandi. 17-mart kuni soat 06:30 larda Toshkent—Bekobod avtomobil yo‘lida harakatlanib ketayotgan yuk mashinasi (dastlabki ma’lumotga ko‘ra haydovchisi uxlab qolishi natijasida) qarama qarshi yo‘nalishga chiqib ketib, Isuzu avtomobili bilan to‘qnashgan.
Shuningdek, Toshkentda Lexus haydovchisi katta tezlikda kelib, yo‘l chetida turgan mashina va qariyani urib yuborgandi.
Izoh (0)