“Локомотив” клуби россиялик мураббий Александр Крестинин билан келишувга эришганини маълум қилди.
“2019 йил Осиё Кубогига ўз тарихида биринчи бор Қирғизистон терма жамоасини олиб чиққан ушбу мутахассис бундан буён “Локомотив” бош мураббийи сифатида фаолият юритиши кутилмоқда”, — дейилади “темирйўлчилар” матбуот хизмати хабарида.
Крестинин “Бунёдкор” клубида ҳам бир муддат фаолият олиб борган.
Шунингдек, мавсум бошидан буён жамоани бошқариб келаётган Ёрқин Назаров клуб тизимида қолиб, бошқа лавозимга тайинланиши ҳам таъкидлаб ўтилди.
Александр Крестинин ва “Локомотив” ўртасидаги битим тез орада имзоланади.
Мутахассис бунга қадар “Нефтчи” (Қирғизистон), “Дордой” (Қирғизистон), “Бунёдкор” (Ўзбекистон) ва Қирғизистон терма жамоасида фаолият олиб борган.
“Темирйўлчилар” жорий мавсум Суперлигада ортда қолган 10 турдан сўнг 9 очко билан 12-ўринда бормоқда.
Изоҳ (0)