“Ўзгидромет” дам олиш кунлари учун об-ҳаво прогнозини эълон қилди.
Унга кўра, 1 март, шанба куни республика ҳудудининг катта қисмида ёғингарчилик кутилмайди, фақат Қорақалпоғистон Республикаси ва Хоразм вилоятида баъзи жойларда ёғингарчилик (ёмғир, қор) бўлади.
2 март, якшанба куни республиканинг кўпчилик вилоятларида (Фарғона водийсидан ташқари) ёғингарчилик бўлади. Марказий вилоятларда ва республика жанубида куннинг иккинчи ярмида ёғингарчилик бўлиши кутилмоқда.
Ҳудуднинг катта қисмида шанба ва якшанба кунлари ҳаво ҳарорати 2-3 даражага кўтарилади, аммо ҳали ҳам меъёрий қийматлардан паст бўлади.
Республиканинг шимоли-ғарбий ва чўл ҳудудларида яна совуқ ҳаво кириб келиши ҳисобига ҳаво ҳарорати аста-секин пасаяди ва Қорақалпоғистон Республикаси, Хоразм вилоятида якшанба куни кечаси 7-12 даража совуқни, кундузи 3 даража совуқ-2 даража илиқни, Бухоро, Навоий вилоятларида кечаси 2 даража совуқ-3 даража илиқни, кундузи 0-5 илиқни ташкил этади.
Республиканинг айрим жойларига туман тушиши мумкин. Шамол 7-12 метр/секунд тезликда эсади, 2 март куни баъзи жойларда 15-20 метр/секундгача кучаяди.
Тошкентда 1—2 март кунлари ҳарорат 8-10 даража илиқ, кечалари 1 даража совуқ-2 даража илиқ бўлади. 2 март куни кечқурун ёғингарчилик бўлиши мумкин.
“Ўзгидромет” март ойи учун прогнозини ҳам эълон қилганди. Унда ойнинг биринчи ўн кунлигида нисбатан совуқ ҳаво бўлиши қайд этилган.
Изоҳ (0)