Бирлашган Араб Амирликлари Ички ишлар вазирлиги исроиллик раввин Зви Коганни ўлдиришда гумонланган Ўзбекистон фуқаролари рекорд даражада қисқа муддатда ҳибсга олинганини маълум қилди. Бу ҳақда WAM хабар берди.
--PjNtpfn.jpg)
Зви Коган Молдова паспорти билан Араб Амирликларига келган ва мамлакат резиденти мақомига эга бўлган. БАА Ички ишлар вазирлиги фуқаролар, резидентлар ва сайёҳлар хавфсизлигини таъминлаш давлатнинг асосий устувор йўналиши эканини таъкидлади.
Вазирлик баёнотида айтилишича, идора жамият барқарорлигига таҳдид солувчи ҳар қандай хатти-ҳаракатларга қатъий ва шафқатсиз чоралар кўриш учун барча қонуний ваколатларидан фойдаланади. Бундан ташқари, у ижтимоий тотувлик ва тинч-тотув яшашни ҳимоя қилиш учун барча зарур чораларни қўллашга тайёрлигини билдирди.
Исроиллик раввиннинг ўлими: нималар маълум?
Бирлашган Араб Амирликларида 21 ноябрь куни исроиллик раввин Зви Коган бедарак йўқолди. 24 ноябрь куни махсус хизмат ва хавфсизлик органлари унинг жасадини топди. Марҳум Исроил ва Молдова фуқаролигига эга бўлиб, яҳудийларнинг “Хабад” диний ҳаракатида фаолият юритган ва унинг Абу Дабидаги вакили бўлган. Исроил ҳукумати раввинни Эрон разведкаси кузатгани ҳақидаги маълумотларга эгалигини даъво қилмоқда. Теҳрон мазкур айбловларни рад этган.
24 ноябрь куни раввинни ўлдиришга гумонланиб Ўзбекистоннинг уч фуқароси қўлга олинган. Жумладан, Олимбой Тоҳирович (28 ёш), Маҳмуджон Абдураҳим (28 ёш), Азизбек Комилович (33 ёш) ушланган.
Ҳозирда гумонланувчиларнинг ишлари терговни якунлаш учун прокуратурага топширилган. Исроил бош вазири Биньямин Нетаньяху “қотиллардан бирортаси ҳам омон қолмаслиги”ни таъкидлаган.
Изоҳ (0)