Nyu Yorkning Bruklin shahrida o‘zbekistonlik oila (qaynona, kelin va ikki nevarasi) pichoqlangandan keyin o‘lik holda topildi. Bu haqda The New York Times xabar berdi.
Hodisa 19-iyul kuni Bensohurstdagi kvartirada sodir bo‘lgan. Qurbonlar 56 yoshli Fayziyeva Mavluda (qaynona), 27 yoshli Maftuna Hakimova (kelin), 5 yoshli Kamila Shavkatova va 4 yoshli Timur Shavkatov (nevaralar) o‘lik holda topilgan. Qotillikda gumonlanib, 24 yoshli bolalarning amakisi qo‘lga olingan. Politsiya u ruhiy xasta ekanini aytmoqda.
Gumondor qotillikdan keyin onasini adyolga o‘ragan, jiyanlarini esa kiyim-kechak qopiga solib, shkafga yashirgan. Qo‘shnisi kvartira eshigi oldida turib, qo‘rqib ketgan bolalarning “Mama” va “Mom” deb qichqirayotgan tovushlarini yozib olgan.
“Nega politsiyaga qo‘ng‘iroq qilmadim? Nega eshik oldiga kelmadim?”, deydi ismini aytishdan bosh tortgan qo‘shnining otasi.
Qo‘shnilariga ko‘ra, qotillikda gumonlangan erkak narkotik moddalar chekkan. Shu sababli g‘azabini jilovlay olmagan. Politsiyaga qotillik haqida voqea joyiga yetgan kelgan gumondorning akasi xabar bergan.
Izoh (0)