“Барселона”нинг уругвайлик марказий ҳимоячиси Роналд Араухо фаолиятини Англия Премьер Лигасида давом эттириши мумкин. Бу ҳақда Испаниянинг Fichajes нашри хабар бермоқда.
Манбанинг ёзишича, “Ливерпуль” клуби 26 ёшли ҳимоячига жиддий қизиқиш билдирмоқда. Англия Суперкубоги доирасидаги “Кристал Пэлас”га қарши кечган учрашувдаги мағлубиятдан сўнг, мерсисайдликлар ҳимоя чизиғини кучайтиришни мақсад қилган. Клуб ҳозирда Араухонинг ҳолатини диққат билан кузатмоқда ва унинг учун 60 миллион евро тўлашга тайёр.
Аввалроқ Роналд “Барселона”да қолишни исташини билдирган бўлса-да, Премьер Лигада ўйнаш истаги уни фикрини ўзгартириши мумкин. Бундан ташқари, ўтган мавсумда ҳимоячи асосий таркибдаги ўрнини йўқотган. Бу ҳам футболчининг қарорига таъсир қилиш эҳтимоли мавжуд.
Каталонияликлар эса футболчига жиддий таклиф тушса, унинг кетишига қарши эмас. Чунки жамоанинг ҳимоя чизиғида рақобат кучли. Қолаверса, клуб молиявий фейр-плей сабаб янги футболчиларини рўйхатдан ўтказа олмаяпти. Араухонинг трансфери клуб бюджетини тиклашда ёрдам бериши мумкин.
Ҳозирча томонлар ўртасида расмий музокаралар бошланмаган, аммо манбага кўра, “Ливерпуль” яқин кунларда расмий таклиф юбориши кутилмоқда.
- 2024/25 йилги мавсумда Араухо “Барселона” сафида 25 та ўйинда майдонга тушиб, 2 та гол ва 2 та ассист қайд этди.
- Унинг каталонияликлар билан амалдаги шартномаси 2031 йил ёзигача давом этади.
- Transfermarkt портали ҳимоячининг нархини 30 миллион евро деб баҳолаган.
Изоҳ (0)