Футбол бўйича АПЛнинг 23-туридан ўрин олган марказий баҳс 25 январь, шанба куни бўлиб ўтади. Унда “Манчестер Сити” ўз уйида “Челси”ни қабул қилади.
Кўплаб нашрлар ушбу баҳсда асосий таркибда майдонга тушиши мумкин бўлган футболчилар рўйхатини эълон қилмоқда. Масалан, Sportingnews нашри Гвардиола шогирдлари қуйидаги таркибда майдонга тушишини таҳмин қилмоқда:
“Манчестер Сити”нинг тахминий таркиби (3-2-2-3, ўнгдан чапга): Эдерсон (дарвозабон) — Ҳусанов, Аканжи, Гвардиол — Льюис, Гундўған — Де Брюйне, Грилиш — Фоден, Ҳоланд, Мармуш.
Нашрнинг маълум қилишича, Натан Аке Парижга сафар қилмаган, Рубен Диаш эса танаффус вақтида мураббийга ўйинни давом эттира олмаслигини айтган. Португалиялик марказий ҳимоячининг ўрнига Жон Стоунс эмас, балки Рико Льюиснинг туширилгани футболчининг асосий таркибда ўйнашга ҳали тайёр эмаслигини кўрсатмоқда.
Бу ҳолат янги ўйинчилар Абдуқодир Ҳусанов ва Vitoр Рейсга имконият эшигини очади. Айниқса, Ҳусановнинг Лига 1 даги тажрибаси уни асосий таркибга қўшилиш учун энг реал номзодга айлантиради.
Майдоннинг бошқа томонида Жереми Доку ва Савинёнинг жорий ҳафтадаги жисмоний муаммолари туфайли Омар Мармуш дарҳол таркибга қўшилиши мумкин.
Гвардиола “ПСЖ”га қарши баҳсда Бернарду Сильва ва Матео Ковачичнинг ўйинидан норозилигини билдирган. Гундўған ва Жек Грилиш уларнинг ўрнини эгаллаши мумкин, аммо ҳозирча идеал ечим мавжуд эмас.
Sportsmole нашри “Манчестер Сити” жамоаси шу ҳафта таркибини учта янги футболчи билан кучайтиргани, ушбу учликнинг барчаси шанба куни дебют қилиш учун даъвогар экани ҳақида ёзди. Аммо тахминий таркибга янги футболчиларнинг бирортасини киритмади:
“Манчестер Сити”нинг тахминий бошланғич таркиби: дарвозабон—Ортега, ҳимоячилар—Льюис, Стоунс, Аканжи, Гвардиол, ярим ҳимоячилар—Ковачич, Бернарду, ҳужумкор ярим ҳимоячилар—Фоден, Де Брюйне, Савинё, ҳужумчи—Ҳоланд.
Standart нашри Рубен Диаш “ПСЖ”га қарши учрашувда жароҳат олгани боис Абдуқодир Ҳусанов ёки Vitoр Рейс майдонда дебют қилиш имконига эга бўлиши мумкин экани ҳақида тахмин қилмоқда. Омар Мармуш ҳам ўзининг биринчи ўйинини ўтказиши мумкин. Бундан ташқари Жон Стоунс ҳам тайёр.
Тheanalyst нашри Гвардиола январь ойида Абдуқодир Ҳусанов ва Vitoр Рейсни қўшиб, ўзининг ҳимоя чизиғини кучайтиргани ва улар шанба куни ўйинда майдонга тушиш учун номзод экани ҳақида ёзди. Нашр Рубен Диашнинг ўйинга тушмаслик эҳтимоли юқори эканини қайд этган.
Европа Чемпионлар Лигасининг умумий гуруҳ босқичида “ПСЖ”га қарши учрашувда майдонга тушган Гвардиола шогирдлари 4:2 ҳисобида мағлубиятга учради. “Шаҳарликлар” 2 та тўп устунлигини ушлаб қола олмади. Сўнгги турдаги ғалабадан бошқа ҳар қандай натижа “Манчестер Сити”ни мусобақа билан хайрлашишига сабабчи бўлади.
Маълумот учун, 22 турдан сўнг “Челси” 40 очко билан АПЛ турнир жадвалида 4-ўринни эгаллаб турибди. “Шаҳарликлар” 38 очко билан 5-ўринда жойлашган. Жамоалар ўртасидаги баҳс эртага, 25 январь куни бўлиб ўтади.
Изоҳ (0)