Футбол бўйича Англия Кубогининг 4-раундидан ўрин олган учрашувда “Лейтон Ориент” ўз майдонида “Манчестер Сити”га мағлуб бўлди. Ўйиннинг 56-дақиқасида “шаҳарликлар” вакили Рико Люиз тепган тўп Абдуқодир Ҳусановга тегиб дарвозага йўл олди.
Учрашувдан сўнг Льюис ушбу гол ҳақида фикрларини билдирди.
“Гол Ҳусановга ёзилди ва ростини айтсам, бу мени хурсанд қилди. Унинг хурсанд бўлиши мени ҳам хурсанд қилади. У жамоага қўшилганида бир оз қийинчиликка дуч келди, аммо бугунги ўйинда у жуда яхши ҳаракат қилди. У ўйинни ўқий олади ва узун пасларни яхши етказади.
Гарчи бу гол унга ёзилган бўлса ҳам, мен ўзимга ассистни ҳисоблайман. Ҳа, мен у учун хурсандман!”, - дейди англиялик футболчи.
Sofascore нашри баҳсда иштирок этган футболчилар учун қўйилган баҳоларни эълон қилди. Захирадан майдонга тушиб муҳим паллада гол урган Абдуқодир Ҳусанов 7,8 баллга лойиқ кўрилди.
“Шаҳарликлар” кейинги ўйинни 11 февраль куни Чемпионлар Лигаси доирасида “Реал”га қарши ўтказади.
Изоҳ (0)