Ҳиндистоннинг пауэрлифтинг спорти бўйича вакиласи Яштика Ачариа машғулот вақтида фожиали равишда вафот этди.
Машғулот вақтида у илгари ҳам бир неча бор кўтарган 270 килограммли штангани кўтаришга уриниб кўрди. Бироқ штангани кўтарганидан сўнг, у мувозанатни йўқотди ва оғир штанга унинг бўйнига тушиб, жиддий жароҳатларга сабаб бўлди. Қизга зудлик билан биринчи тиббий ёрдам кўрсатилди ва тез ёрдам чақирилди. Аммо шифохонада унинг ҳаётини сақлаб қолишнинг иложи бўлмади.
17 ёшли спортчи аввалроқ Ёшлар миллий ўйинларида ғалаба қозонган эди. Яштика мусобақаларда қатнашиб, пул ишлаб топиш ва оиласини қашшоқликдан чиқаришни орзу қиларди.
Маҳаллий полиция бош инспекторининг маълум қилишича, марҳуманинг оиласи жиноят иши очиш учун ариза бермаган.
Изоҳ (0)