Навоий вилоятида 53 нафар масъул 180 миллион сўмдан ортиқ жаримага тортилди, деб хабар бермоқда Экология вазирлиги ахборот хизмати.
Қайд этилишича, Навоий вилояти Экология, атроф-муҳитни муҳофаза қилиш ва иқлим ўзгариши бошқармаси томонидан “Яшил макон” умуммиллий лойиҳаси доирасида экилган дарахт ва бута кўчатларнинг ҳолати юзасидан ўрганиш ишлари ўтказилмоқда.
Хусусан, 23 январдан 22 июлга қадар ўтказилган ўрганиш давомида Учқудуқ туманида 10 нафар, Конимех туманида 7 нафар, Навбаҳор туманида 6 нафар, Кармана туманида 5 нафар, Қизилтепа туманида 5 нафар, Томди туманида 5 нафар, Хатирчи туманида 5 нафар, Зарафшон шаҳрида 4 нафар, Нурота туманида 3 нафар, Навоий шаҳрида 2 нафар, Ғозғон шаҳрида 1 нафар масъул шахслар томонидан ҳудудларда 2023 йил кузи ва 2024 йил баҳор мавсуми давомида экилган дарахт кўчатлари парваришига эътибор қилинмагани, суғорилмагани, агротехник тадбирлар амалга оширилмагани аниқланди.
Ҳолат юзасидан 53 нафар масъул шахсга нисбатан Маъмурий жавобгарлик тўғрисидаги кодекснинг 79-моддаси 3-қисми билан маъмурий баённома расмийлаштирилиб, жами 180 миллион 200 минг сўм миқдорида жарима белгиланди.
Изоҳ (0)