ЎзЛиДеП раиси Актам Хаитов Хоразм вилояти Урганч туманида ташкил этилган “ЎзЛиДеП боғи”ига борди.
Таъкидлаш керак, партиянинг сайловолди дастурида мамлакатимизда яшил майдонлар, дарахтзорлар, гулзорларни 30 фоизга етказиш, шаҳарлар ҳамда уларнинг атрофларида “яшил белбоғ”лар барпо этиш партиянинг асосий вазифалардан бири экани таъкидлаб ўтилди.
Шунингдек, беш йилга мўлжалланган сайловолди дастурида мамлакат миқёсида “Яшил макон” умуммиллий лойиҳаси доирасида юртимизда 1 миллиард туп кўчат экилиб, Орол денгизининг қуриган тубида 2 миллион гектар майдонда ўрмонлар барпо этиш кўзда тутилган. Давлат идоралари, корхоналар, олийгоҳлар ҳам ўз боғларини ташкил қилиши, янги уй-жой қуришда пудратчиларга “яшил ҳудуд” ва автотураргоҳ барпо этиш мажбурий этиб белгиланиш партиянинг устувор вазифасидир.
Шунингдек, партия етакчиси “Яшил макон” лойиҳасининг умуммиллий аҳамияти ҳақда тўхталар экан, саломатлигимиз, ҳаётимиз учун муҳим бўлган яшил майдонлар барпо этиш, ўзимиз яшаётган масканларни тоза ва обод ҳудудга айлантириш ишига муносиб ҳисса қўшиш, қолаверса, юртдошларимиз, айниқса, ёшларни ушбу хайрли ишга янада кенгроқ жалб этишдан иборат эканлигини таъкидлади.
Изоҳ (0)