1975 йилда суратга олинган ва 1976 йилнинг январида премераси бўлиб ўтган “Буратинонинг саргузаштлари” картинаси — болалар учун мўлжалланган энг яхши фильмлардан бири ҳисобланади. Унда бош қаҳрамон ролини ўйнаган актёрнинг ҳозирги кўриниши кўпчиликда қизиқиш уйғотади.
Карьеранинг бошланиши
Буратино роли 9 яшар Дмитрий Иосифов учун дебют бўлган. Лекин унинг ёши суратга олиш майдончасидаги мураккаб вазифаларни бажаришига халақит бермаган. У камера қаршисида ўзини эркин ва кўп йиллик тажрибага эгадек тутган.
Фильм эфир юзини кўрганидан кейин Иосифов жуда ҳам машҳур бўлиб кетган. Режиссёрлардан турли таклифлар келиб туша бошлаган. 1977 йилда “Қизил қалпоқча ҳақида”, 1981 йилда “Сотилган кулги”, 1987 йилда “Ошиқ бўёқчи ҳақида ҳикоя” ва бошқа кўплаб фильмларда рол ўйнаган.
У келажагини актёрликсиз тасаввур қила олмаган ва шу сабаб ҳам санъат соҳасида таълим олиб, турли фильмларда суратга тушишда давом этган.
Актёрлик карьерасидан режиссёрликка
90 йилларда Дмитрийда ижодий кризис кузатилган. У актёрликни ташлаб режиссёрлик билан шуғулланган. У янги фаолиятини шунчалик яхши кўрганидан ушбу йўналишда аввалроқ иш бошламаганидан афсусланган.
Шахсий ҳаёт
Актёр эрта турмуш қурган ҳамда кетма-кет уч ўғилли бўлган. 2025 йилда 60 ёшни қаршилайдиган Дмитрий карьера зинапояларидан тобора кўтарилиб бормоқда. У ўзини оператор сифатида ҳам синаб кўрган ва бу борада ҳам омади чопган. Унинг танлаган соҳасида муваффақиятга эришишида эса рафиқасининг ишончи ва қўллаб-қувватлашининг ҳам ҳиссаси катта.
Дмитрий ҳозирда ўз фильмографиясини янги ижодий ишлар билан тўлдиришда давом этмоқда. 2022 йилда у сценарий муаллифи ҳамда саҳналаштирувчи режиссёр сифатида ишлаган “Елизавета” шоусининг телепремераси ўтказилди.
-OID-Ok_p.jpg)
Изоҳ (0)