Ўзбекистон меҳнат бозорида иш берувчилар ва талабгорларни бир-бири билан боғлаш мақсадида янги рақамли платформа яратилади. Бу вазифа жорий йил 4 август куни қабул қилинган президент фармонида белгиланган.
Электрон платформани рекрутерлар билан ҳамкорликда ишлайдиган мутахассислардан иборат “Лойиҳа гуруҳи” юритади. Лойиҳани юритишга Бандлик вазирлиги масъул бўлади.
Платформага исталган корхона бўш иш ўринлари тўғрисидаги маълумотларни жойлайди. Иш излаётган фуқаролар эса ўз таржимайи ҳолини (резюме) киритади.
Кейин Бандлик вазирлиги мутахассислари платформага келиб тушган сўровларни саралашдан ўтказиб, иш берувчига муносиб номзодларни таклиф қилади. Иш берувчи талабгор билан суҳбатлашиб, мустақил равишда қарор қабул қилади.
Платформа бепул хизмат кўрсатади. У дастлабки босқичда Тошкент шаҳрида жорий этилиб, кейинчалик бутун республика бўйлаб татбиқ қилинади.
Аввалроқ юқоридаги фармонга асосан 2025 йил 1 ноябрдан ишсизлик нафақаси тўлаш тартиби ўзгариши хабар қилинганди.
Изоҳ (0)