Европа Лигаси. “Милан” ютқазди, Ҳусанов жамоаси турнирни тарк этди (видео)

Кеча, 22 февраль Европа Лигасининг бир нечта учрашувлари бўлиб ўтди.

Ўз уйида “Милан”ни қабул қилган “Ренн” жамоаси ўз уйида ғалаба қозонди. Аввалига Бенжамин мезбонларни олдинга олиб чиққан бўлса, Лука Жович ҳисобни тенглаштирди. Айнан Бенжамен Борижо икки бора пенальтидан яна жамоасини олдинга олиб чиқди. Рафаэл Леаонинг голи учрашув ҳисобини якуний кўринишга олиб келди. Ўз уйида йирик ҳисобда ғалаба қозонган “Милан” кейинги босқичга чиқди. 

“Фрайбург” ўз уйида Ҳусанов ҳаракат қилаётган “Ланс” жамоасига қарши ҳаракат қилди. “Ланс” жамоаси биринчи бўлимда Давид Коста ва Эля Ваҳининг голи эвазига олдинга чиқиб олди. Иккинчи бўлимда мезбонлар катта куч билан олдинга ўтишди. Ролан Саллаи ҳисобни қисқартирди. Айнан шу футболчи қўшиб берилган вақтда ҳисобни 2:2 кўринишига келтирди. 
Ушбу тўқнашувнинг тақдири экстра таймларда ҳал бўлди. Грегоричнинг 99-дақиқада киритган голи “Фрайбург”ни кейинги босқичга олиб чиқди. Тўлиқ ўйнаган Ҳусанов ва унинг жамоаси шу ерда ўз “юриш”ларини тўхтатди. 

“Рома” ўз уйида “Фейеноорд” жамоасини қабул қилди. Учрашувнинг дастлабки дақиқасидаёқ Хименез меҳмонларни олдинга олиб чиқди. 
15-дақиқага келиб “Рома” Пеллегринининг голи эвазига ҳисобни тенглаштирди. Бу жамоаларнинг биринчи учрашуви ҳам айнан шу ҳисоб билан тугаган эди. Кейинги босқич масаласи пенальтилар сериясида ҳал бўлди. 
Лукакудан бошқа барча ўйинчилар пенальтини аниқ амалга ошириш эвазига “Рома” жамоаси кейинги босқичга йўл олди.

Қолган учрашув натижалари қуйидагича кўриниш олди: 

“Тулуза” — “Бенфика” -  0:0 (дастлабки ўйин 1:2) 

“Қорабоғ — “Брага” 2: 3 (дастлабки ўйин 2:4)

“Спарта Прага” — “Галатасарой” 4:1 (дастлабки ўйин 2:3) 

“Марсель” —  “Шахтёр” 3:1 (дастлабки ўйин 2:2) 

“Спортинг” — “Янг бойз” 1:1 (дастлабки ўйин 3:1)