Терма жамоалар ўртасидаги баҳслар якунлангач, футболчи ўз клубларига қайтди. Яна томошабинлар севган клублар футболи старт олмоқда.
Мавсумнинг қизғин палласига кириб боришдан олдин топ-лигаларда қандай сериялар қайд этилганига тўхталиб ўтамиз.
Ғалабали серия: “Спортинг” ўз уйида енгилмас, “Арсенал” эса йўлидан чиққан рақибни аямаяпти
3 та клубни ажратиб кўрсатамиз:
“Галатасарой” — кетма-кет 11 та ғалаба. Туркия жамоаси учун мавсум ажойиб ўтмоқда: 30 та ўйинда 26 та ғалаба. Жамоа мавсум бошидаёқ 10 та кетма-кет ғалабани қўлга киритганди. Энди эса бу кўрсаткич яна ҳам яхшиланган. “Галатасарой”нинг кейинги ўйини хавфли зонада бораётган “Хатайспор”га қаршилигини ҳисобга олсак, клуб натижани яна яхшилайди.
“Арсенал” — кетма-кет 8 та ғалаба. Тўплар нисбати эса 33:4. Лондонликлар буни давом эттира оладими? Олдинда эса “Манчестер Сити”га қарши меҳмондаги ўйин кутиб турибди.
“Спортинг” — ўз майдонида 13 та ғалаба. Барчаси ушбу мавсумда, тўплар нисбати — 46:10. Кейинги ўйин “Бенфика”га қарши. “Спортинг” ўтган мавсумда ҳам 17 та ўйинда 13 та ғалаба бўлган.
Мағлубиятсиз сериялар: “Реал” ва “Интер” кураш олиб бормоқда
“Динамо” Москва — 11 ўйиндан буён мағлуб бўлмаяпти. Клуб жорий мавсум РПЛда энг кам мағлуб бўлган жамоа: 2 та мағлубият. Сентябрь ойида “Спартак”ка имконият бой берилганидан сўнг 6 та ғалаба ва 5 та дуранг қайд этди.
“Фенербаҳче” — 19 та мағлубиятсиз ўйин. Сўнгги бор ноябрь ойида “Трабзонспор”га қарши ўйиндаги муваффақиятсизликдан сўнг жамоа 15 та ғалаба ва 4 та дуранг қайд этди.
“ПСЖ” — 21 ўйинлик мағлубиятсиз серия. Парижликлар сентябрда “Ницца”га 2:3 ҳисобида мағлуб бўлганди. Шундан буён 15 та ғалаба ва 6 та дуранг натижа қайд этди. Энди-чи? “ПСЖ”нинг кейинги ўйини сафарда “Марсель”га қарши. Қайд этиб ўтиш жоиз, “ПСЖ” меҳмондаги ўйинларда 20 та ўйиндан буён мағлуб бўлмаяпти.
“Интер” — 23 та мағлубиятсиз ўйин. “Сассуоло”дан (сентябрь) бошқа ҳеч бир жамоа миланликларни мағлуб эта олмаяпти. “Нераззури” 19 та ғалаба ва 4 та дуранг қайд этди.
“Реал” — 23 ўйиндан бери мағлубият нималигини билмаяпти. Худди “Интер” каби. Мадридликлар ҳам сентябрда “Атлетико”га мағлуб бўлгандан буён бошқа ҳеч кимга имконият қолмаяпти: 17 та ғалаба ва 6 та дуранг.
“Қаймоқранглилар”нинг кейинги рақиби осон эмас — “Атлетик”. Сўнгра “Мальорка” ва “Барселона”га қарши ўйинлар кутиб турибди.
“Байер” ва “ПСВ” умуман мағлуб бўлмаяпти
“Байер” барча мусобақаларда (Бундеслига, Германия Кубоги ва Европа Лигаси) 38 та ўйиндан буён мағлубият нималигини билмаяпти. Лиганинг 26 та ўйинида мағлубият деган жойида 0 туриши — ғайритабиий ҳолат. Ушбу мавсумда “Байер”ни фақат “Карабах” енгишга яқин келганди, бироқ иккала ўйинда ҳам немислар сўнгги дақиқларда мағлубиятдан қутулиб қолди.
“ПСВ” Нидерландия чемпионатида ҳали мағлуб бўлмади — 23 та ғалаба ва 3 та дуранг. Бошқа турнирларда эса омадсизликлар бўлди — Чемпионлар Лигасида “Арсенал” ва “Боруссия Д”га мағлуб бўлди, Кубок баҳсида эса “Фейеноорд” “ПСВ” устидан ғалаба қозонди.
Нидерландия лигасида эса “ПСВ”нинг мағлубиятсиз серияси ўтган мавсум билан қўшиб ҳисобласа 39 тага етган. Жамоанинг чемпионатдаги сўнгги мағлубияти 2023 йил январь ойида юз берган.
Ғалабасиз сериялар: “Эвертон” ва “Вольфсбург”
АПЛда “Лутон” 8 ўйиндан буён ғалаба қозона олмаяпти, “Эвертон” эса декабрдан буён ғолиб бўлмади. Аллақачон 11 та ўйин ўтиб бўлди. Ливерпулликларнинг бу серияси давом этиши мумкин, чунки кейинги ўйин “Борнмут” ва “Ньюкасл”га қарши.
А Серияда “Салернитана” 11 ўйиндан буён зафар қучмаяпти. Жамоа ноябрь ойида битта, декабрда битта ўйинда ғалаба қозонган. 2024 йилда эса 2 та дуранг ва 9 та мағлубият қайд этди.
“Вольфсбург”да эса 11 ўйинлик ғалабаси серия. Декабрь ўртасида ғалаба қозонган немис клуби шундан буён 6 та дуранг ва 5 та мағлубиятга эришди.
“Дармштадт”да эса ишлар анча ёмон. Жамоа 19 ўйиндан буён ғалаба нималигини билмаяпти.
Изоҳ (0)