Португалиялик мутахассис Жозе Моуриньо Туркиянинг “Фенербаҳче” жамоасини бошқариши мумкин.
61 ёшли мутахассис ва турк клуби ўртасидаги шартнома 2 йилга мўлжалланган. Бу келишув устида клубнинг спорт директори португалиялик Марио Бранко ишлаган. Журналист Жанлука Ди Марсио хабарига кўра, янги бош мураббий тайинланиши бугун расман эълон қилинади.
Инсайдер Фабрицио Романонинг таъкидлашича, шартнома “2+1” кўринишида тузилиши мумкин.
Туркия чемпионати бунгача Португалия (“Порту”, “Бенфика”), Англия (“Челси”, “Манчестер Юнайтед”, “Тоттенхем”), Испаниянинг “Реал Мадрид” ва Италия (“Интер”, “Тоттенхем”) клубларини бошқарган Моуриньонинг фаолиятидаги бешинчи чемпионати бўлади. Январь ойи ўрталарида мураббий “Рома”дан ишдан бўшатилди ва шундан бери клубсиз.
“Фенербаҳче” миллий лигада 99 очко билан мавсумни якунлади, лекин 102 очко тўплаган “Галатасарой”га чемпионликни бой бериб, иккинчи ўринни эгаллади.
Изоҳ (0)