Тошкент халқаро аэропортида 4 декабрь куни ҳаво кемаларини қабул қилишга чекловлар жорий этилди. Бу ҳақда Uzbekistan Airports матбуот хизмати хабар берди.
Қайд этилишича, чекловлар ноқулай об-ҳаво шароити туфайли маҳаллий вақт билан соат 05:30 дан бошлаб жорий этилди.
Чекловлар вақтида барча рейслар муқобил аэродромларга йўналтирилади. Uzbekistan Airways авиакомпаниясининг Лиэж—Тошкент йўналишидаги HY3174 рейси Бухоро муқобил аэропортига йўналтирилди.
3 декабрда ҳам Тошкент халқаро аэропортида туман сабабли самолётларни қабул қилиш вақтинча чекланганди.
Шу куни қуйидаги рейслар Самарқанддаги муқобил аэродромга йўналтирилди:
- Silk Avia авиакомпаниясининг Фарғона-Тошкент йўналиши бўйича US402;
- Uzbekistan Airways авиакомпаниясининг Бишкек – Тошкент йўналиши бўйича HY778;
- UTair авиакомпаниясининг Сургут-Тошкент йўналиши бўйича UТА-709;
- Centrum Air авиакомпаниясининг Дубай-Тошкент йўналиши бўйича МФХ-352.
Шунингдек, Uzbekistan Airways авиакомпаниясининг Грозний—Тошкент йўналиши бўйича HY9702 рейси Бухородаги муқобил аэродромга йўналтирилди.
Изоҳ (0)