Uzbekistan Airways ва Malaysia Airlines: йўловчилар учун имкониятлар кенгаймоқда

Ўзбекистон ва Малайзия миллий авиаташувчиларининг ҳамкорлиги доирасида Uzbekistan Airways йўловчиларига ягона авиачипта сотиб олиш орқали Тошкентдан Лангкави ва Кота-Кинабалуга саёҳат қилиш имкониятини тақдим этади.

Uzbekistan Airways Malaysia Airlines билан Code-share ҳамкорлигини қайта йўлга қўйганини мамнуният билан маълум қилади. Ушбу ҳамкорлик йўловчиларимиз учун янги имкониятлар эшикларини очиш билан биргаликда, ҳар иккала авиакомпаниянинг парвозлар тармоғини кенгайтиради.  

Янги келишув доирасида Malaysia Airlines йўналишлар харитасини кенгайтиради ва Uzbekistan Airways томонидан амалга оширилаётган Тошкент – Куала-Лумпур йўналишида фойдаланиш имкониятига эга бўлади. Ўз навбатида, Uzbekistan Airways Малайзия авиация бозоридаги ўз мавқеини кенгайтиради, бу эса машҳур курорт йўналишларига кириш имкониятини беради:

•  Тошкент – Куала-Лумпур – Лангкави  

•  Тошкент – Куала-Лумпур – Кота-Кинабалу

Ушбу йўналишлар йўловчилар учун Тошкент – Куала-Лумпур авиақатнови билан биргаликда мавжуд бўлиб, қулай туташув авиақатновлари ва минтақанинг исталган бурчагига қулай саёҳат қилиш имкониятини беради.  

Йўловчилар учун имтиёзлар

Code-share ҳамкорлиги саёҳатни янада қулайлаштиради: 

•  Багажни билвосита рўйхатдан ўтказиш: йўловчилар багажларини якуний манзилгача рўйхатдан ўтказишлари мумкин.

•  Ягона авиачипта ва ҳаво кемасига чиқиш талони: барча ҳужжатлар дастлабки учиш аэропортида расмийлаштирилади, бу эса транзит аэропортларида қўшимча тартиб-таомилларни олдини олишга имкон беради. 

•  Қулай туташувлар: парвозлар орасидаги кутиш вақтини минималлаштириш ва оптималлаштирилган жадвал. 

Саёҳат учун янги имкониятлар  

Малайзия авиакомпанияси билан ҳамкорликнинг қайта тикланиши Uzbekistan Airways йўловчиларига ҳар икки авиакомпаниянинг меҳмондўстлик анъаналарини замонавий халқаро парвозлар қулайлиги билан бирлаштириб, Жануби-Шарқий Осиёнинг энг яхши курорт йўналишларини очиш имконини беради. Янги йўналишлар бўйича авиачипталарни бугуноқ Uzbekistan Airways Sales филиалида ёки авиакомпаниянинг ваколатли агентларидан брон қилиш мумкин. 

Uzbekistan Airways ва Malaysia Airlines: энг яхши саёҳатларингиз шу ердан бошланади!

Қайд этилишича, ҳамкорлик ҳудудлар ўртасидаги алоқаларни мустаҳкамлайди ва йўловчилар учун саёҳатни янада қулай ва ёқимли бўлиши йўлида хизмат қилади.

Реклама ҳуқуқи асосида.