“ПСЖ” ҳужумчиси Неймар фаолиятини Саудия Арабистонида давом эттириши мумкин.
Аввалроқ, бразилиялик футболчи Париж клубини тарк этишини маълум қилганди.
L’Equipe нашрининг хабарига кўра, Неймарга “Ал-Ҳилол” жамоаси қизиқиш билдирмоқда. Саудияликлар футболчига йилига 80 миллион евро маош ваъда қилган.
Неймар Саудия Арабистони лигасига ўтишни инкор қилмаяпти, бироқ унинг асосий мақсади рақобатбардошроқ чемпионатларда тўп суриш. У Бразилиянинг 2026 йилги Жаҳон Чемпионати учун қайдномасига киришни режалаштирмоқда.
Бразилияликнинг “Барселона”га қайтиш варианти энг маъқули эди, бироқ каталонияликлар молиявий муаммолар туфайли бу трансферни расмийлаштира олмайди. “Кўк-анорранглилар” Неймарни кейинчалик сотиб олиш ҳуқуқи билан ижарага олиши мумкин эди, лекин ҳозирда Усмон Дембеленинг “ПСЖ”га ўтиши билан боғлиқ машмашалар туфайли клублар ўртасидаги муносабатлар ёмонлашган.
Шунингдек, 31 ёшли футболчига Англиянинг “Челси” жамоаси ҳам қизиқиш билдирмоқда.
Изоҳ (0)