Франция Украина ҳудудига ўз қўшинларини киритишга тайёргарлик кўриш доирасида махфий ҳарбий машғулотлар ўтказди. Бу ҳақда Intelligence Online хабар берди.
“Persey” номи остидаги машғулотлар кузда 10 кун давомида бўлиб ўтган. Унда Қуруқликдаги қўшинларнинг махсус операциялар бўлинмалари (CASТ) иштирок этган. 3200 нафар француз ҳарбийлари Киев шимолидаги Днепр дарёси қирғоғига ўхшаган ҳудудда машғулот ўтказган. Уларнинг тактикаси 2022 йил февраль ойида Россия ҳужумини тўхтатишга муваффақ бўлган Украина қуролли кучлари тажрибасига асосланган.
Қўмондонлик дронлардан фойдаланишга, радиоэлектрон кураш ва разведка бўйича машғулотларга эътибор қаратган. Бироқ баъзи иштирокчилар ФПВ-дронларининг йўқлигидан норози бўлиб, француз ишлаб чиқарувчиларининг орқада қолаётганини таъкидлаган.
13 январь куни Украина президенти Владимир Зеленский француз ҳамкасби Эммануэл Макрон билан хафсизлик кафолати сифатида Ғарб ҳарбийларини жойлаштиришни муҳокама қилди. Зеленский бу қадам Россияни тинчликка мажбурлаш учун самарали восита бўлишини айтди.
Европа иттифоқи Украинага 100 минггача ҳарбий юбормоқчи
Европа давлатлари ўт очиш тўхтатилганидан кейин Украинага 100 минггача қўшин юборишни муҳокама қилмоқда. Бунда асосий кучларни Франция, Германия, Италия, Польша ва Буюк Британия ҳарбийлари ташкил этиши эҳтимоли юқори. Европа контингентини Украинага юбориш бўйича музокаралар дастлабки босқичда. Аммо мамлакатлар ўртасида аллақачон келишмовчиликлар мавжуд.
Айрим Европа раҳбарлари бу Россия президенти Владимир Путинда музокаралар вақти келгани ва у жанг майдонидаги позициясини сақлаб қолиши мумкинлиги ҳақида таассурот уйғотишни хоҳламайди. Парда ортида баъзи амалдорлар Европа иттифоқи Украинага бера оладиган эҳтимолий кафолатларни ҳам кўриб чиқмоқда.
Изоҳ (0)