Ўзбекистон президенти ёрдамчиси Саида Мирзиёева Ўзбекистонга даволанишга олиб келинган фаластинлик болалар ҳолидан хабар олди.
Мирзиёева даволанаётган фаластинлик болаларга Президент саломи ва энг эзгу тилакларини етказди.
“Шунча қийинчиликларга қарамай, улар қалбида беғуборлик ва мўжиза истагини сақлаб қолгани чиндан ҳам ҳайратланарли. Умид қиламанки, эътибор ва меҳр сўзлари уларнинг кўнглида ёруғ келажакка ишонч уйғотади. Уларга ва жафокаш Фаластин халқига тинчлик ва фаровонлик тилаймиз”, дейди Президент ёрдамчиси.
Фаластиндан 100 киши Ўзбекистонга вақтинча эвакуация қилинди
100 нафар фаластинлик ярадор аёллар ва болалар уларнинг ҳамроҳлари билан бирга Ўзбекистонга эвакуация қилинди. Ушбу эвакуация 26 декабрь куни икки давлатнинг Соғлиқни сақлаш вазирликлари ҳамкорлигида президент Шавкат Мирзиёев ташаббуси билан амалга оширилди.
Шавкат Мирзиёев 11 ноябрь куни навбатдан ташқари араб-ислом саммитида сўзлаган нутқида урушда жабрланган фаластинлик болалар ва аёлларни Ўзбекистон шифохоналарида беғараз даволашга тайёр эканини айтганди.
Эвакуация қилинган фаластинликлар юртларига қайтгунларича Ўзбекистонда қолади. Ушбу бемор фаластинликлар даволаниш ва соғлиқларини қайта тиклаш учун реабилитация марказлари ва шифохоналарга жойлаштирилади.
Изоҳ (0)