Президент ёрдамчиси Саида Мирзиёева Президент Администрациясида мамлакатнинг навқирон ва билимдон ўғил-қизлари билан учрашди.
2023/24-ўқув йилида бу ёшлар – мактаб ўқувчилари нуфузли олимпиадаларда ажойиб натижаларга эришди – 128 та медал, жумладан, 15 та олтин, 36 та кумуш ва 77 та бронза медалларини қўлга киритди.
"Уларнинг кўпчилиги асосан кимё, математика, физика ва информатика фанлари бўйича устунлик қилиб, эътирофга сазовор бўлишди. Бу Ўзбекистон тарихидаги рекорд кўрсаткич бўлиб, бундан барчамиз чексиз фахрланамиз.
Ёш қаҳрамонларимизни чин қалбимдан табриклайман, билдирилган ишонч ва қўллаб-қувватлаш учун эса устозлар ҳамда ота-оналарга миннатдорлик изҳор этаман. Бу муваффақият ғалабаларга тўла катта йўлнинг бошланиши бўлсин. Ўзбекистон келажаги ёшлар қўлида!, деб ёзади Президент ёрдамчиси.
Изоҳ (0)