Одатдагидек туйилган, аммо қайта-қайта такрорланиб турадиган симптомлар оқибати яхшилик билан тугамаслиги мумкин.
Оғиз бўшлиғида яралар пайдо бўлиши
Битмайдиган яралар, милклардаги оқ ва қизил доғлар, шишлар зудлик билан шифокорга мурожаат қилиш кераклигини билдиради. Гап шундаки, булар оғиз бўшлиғи ёки ҳиқилдоқ саратонидан дарак бериши мумкин.
Қорин шишиши
Қорин шишиши айрим омиллар билан боғлиқ бўлиб, онда-сонда кузатилиб туриши мумкин, лекин доимий равишда давом этса ва қабзият билан бирга намоён бўлса, бу бачадан саратонидан дарак бўлиши мумкин. Иштаҳа йўқолиши ва одатий бўлмаган тез тўйишга ҳам бееътибор бўлмаслик керак.
Доимий йўтал
Уч ҳафта давомида ҳам қолмаган, аммо ЎРВИ хос бўлган симптомлар, бош оғриғи ва кузатилмаётган бўлса, шифокорга мурожаат қилиш учун жиддий сабаб бўла олади. Ўпка саратонидан ташқари, йўтал лейкемия ривожланаётганидан хабар бериши мумкин.
Қорин соҳасида оғриқ ва кўнгил айниши
Ошқозон ва ҳазм муаммолари билан муаммо борлиги, қорин соҳасида доимий оғриқ бўлса ва ўтиб кетмаса, кўнгил айниши ҳам тинч қўймаса, албатта, шифокорга мурожаат қилиш керак. Бу лейкемия ёки қизилўнгач, жигар, ошқозон ости бези, шунингдек, колоректал саратоннинг белгилари бўлиши мумкин.
Тез-тез шамоллаш
Тез касал бўлиш, ҳарорат кўтарилишининг такрорланиб туриши кузатиладиган бўлса, шифокорга боришни кечга қолдирманг. Тез-тез шамоллаш ва иситмалаш лейкемиянинг илк симптомларидан бири.
Ютинишга қийналиш
Томоққа бир нарса тиқилганидек ҳисни туйиш, ютинишга қийналиш бир неча кундан бери кузатилиб келаётган бўлса, зудлик билан шифокорга мурожаат қилиш керак. Ютинишга қийналиш бир қанча саратон турлари – томоқ, ошқозон ҳатто ўпка саратони симптоми ҳисобланади. Бундан ташқари, томоққа нимадир тиқилгандек бўлиши, қалқонсимон без касалликларини келтириб чиқариши мумкин.
Тушунарсиз кўкариш ва моматалоқлар
Биргина сабабсиз кўкариш билан ваҳимага тушиш ярамайди. Лекин бундай тушунарсиз моматалоқлар тез-тез ва кўп, айниқса, қўл ва бармоқларда кузатилса, албатта шифокорга мурожаат қилиш керак. Бу лейкемия бошланаётганидан дарак бериши мумкин.
Вазн йўқотиш
Тўсатдан озиб кетиш ҳеч қачон ўз-ўзидан ва бежиз бўлмайди. Вазн йўқотиш бошқа касалликлар билан бирга қизилўнгач, жигар, ошқозон ости бези ва лимфа тугунлари саратонига хос аломат бўлиши мумкин.
Сурункали чарчоқ
Асабий иш куни ёки кундалик юмушларидан кейин чарчаш табиий ҳол, лекин арзирли сабаб бўлмаса ҳам чарчаб қолиш кузатилса ва доимий бўлса, демак, бир гап бор. Бу симптомнинг саратон билан алоқаси бўлмаган тақдирда ҳам лейкемияга хос белги эканлигини унутмаслик керак.
Бошнинг доимий оғриши
Авваллари сизни мигрен безовта қилмаган бўлса, аммо эндиликда мунтазам равишда кузатиладиган бўлса, мутахассисга кўринганингиз яхши. Мия саратони ва лейкемиянинг бошланишида шундай муаммо кузатилиши мумкин. Унутманг бош оғриғининг такрорланаверишида оғриқсизлантирадиган дори воситалари билан «алдаб» юриш ярамайди.
Қон аралаш нажас
Кўпинча бу симптом бавосил ёки ичаклар билан боғлиқ айрим касалликларда кузатилиши мумкин. Лекин шундай бўлса ҳам шифокор кўригидан ўтган яхши, айниқса, ёшингиз 50 дан катта бўлса. Йўғон ичак саратони ривожланаётгани эҳтимоли ҳам йўқ эмас.
Изоҳ (0)