Исроилнинг El-Al авиакомпаниясига тегишли Boeing 737-900 самолёти Тель-Авивдаги Бен-Гурион номли аэропортдан Бирлашган Араб Амирликлари пойтахти Абу-Дабига тўғридан-тўғри рейсни амалга оширди. Бу ҳақда «Интерфакс» хабар берди.
Самолёт бортидан АҚШ ва Исроилнинг юқори лавозимли расмийлари ўрин олган. АҚШ делегацияси таркибига Дональд Трампнинг миллий хавфсизлик бўйича маслаҳатчиси Роберт O’Брайен ва Трампнинг куёви Жаред Кушнер ҳам кирган. Исроил делегациясига миллий хавфсизлик масалалари бўйича маслаҳатчи Меир Бен-Шаббат раҳбарлик қилмоқда.
Бу рейс Исроил ва БАА ўртасидаги тарихдаги биринчи тўғридан-тўғри тижорий авиарейс бўлди.
Аввалроқ икки мамлакат расмиялари тинчлик келишувига эришгани ҳақида маълум қилганди. Расмий келишув 2020 йилда АҚШда имзоланади. Шунингдек, БАА Исроилга нисбатан 48 йил давом этган иқтисодий бойкотни бекор қилди. БАА Исроил билан тинчлик келишувига эришган кам сонли араб мамлакатларидан бири ҳисобланади.
Изоҳ (0)