Қиш мавсумида электр энергиясида узилишлар бўлган тақдирда қозонхоналарда мобил генераторлар жорий қилиш назарда тутилган. Бу ҳақда АОКАда бўлиб ўтган матбуот анжуманида Қурилиш ва уй-жой коммунал хўжалиги вазирлиги бошқарма бошлиғи Илҳом Тўраев маълум қилди.
-CINamTQJ.jpg)
Илҳом Тўраевнинг айтишича, электр энергиясида узилишлар бўлган вақтда ҳам иссиқлик таъминотини бир меъёрда ушлаб туриш учун қозонхоналарни генераторлар билан жиҳозлаш белгиланган.
Барча қозонхоналаримизни генераторлар билан таъминлаш ишларини амалга оширамиз. Бу ўз-ўзидан бўлмайди, ҳаммаси маблағга бориб тақалади. Шунинг учун ижтимоий соҳа объектларини захира генераторлари билан таъминлаш кўзда тутилган.
Тошкент шаҳрида ва вилоятларда мобил генераторларимиз бор. Қиш мавсумига иссиқлик таъминоти объектлари 100 фоиз тайёр, деди вазирлик масъул ходими.
Аввалроқ мазкур анжуманда Вазирлар Маҳкамасининг 2014 йилдаги 194-сонли қарорига асосан об-ҳаво ҳарорати кетма-кет 5 кун давомида +8 даражадан паст бўлган тақдирдагина иссиқлик тизимини ишга тушириш амалиётидан ёпиқ тизимга ўтиш эвазига аста-секин воз кечилиши маълум қилинган эди.
Изоҳ (0)