Франциянинг Париж шаҳрида ёзги Олимпиада ўйинлари доирасида футбол мусобақаси старт олди.
C гуруҳининг илк турида Ўзбекистон U-23 терма жамоаси Испанияга қарши баҳс олиб борди. Учрашувнинг 28-дақиқасида испанлар ҳимоячиси Пубилл ҳисобни очди. Бўлим охирида Элдор Шомуродов пенальтини аниқ амалга ошириб, ҳисобни тенглаштирди. Қайд этиб ўтиш лозим ушбу гол Ўзбекистоннинг Олимпиадалар тарихидаги илк голи сифатида тарихдан жой олди.
Иккинчи бўлимда эса испанлар пенальти ишлаб олди. Бироқ Абдувоҳид Неъматов ушбу пенальтини қайтара олди. 62-дақиқада эса айнан пенальтидан унумли фойдалана олмаган Серхио Гомес жамоасининг иккинчи голига муаллифлик қилди.
Учрашув якунига қадар шу ҳисоб сақланиб қолди ва Ўзбекистон 1:2 ҳисобида имкониятни бой берди.
Тимур Кападзе шогирдлари 2-турда Мисрга қарши майдонга тушади. Учрашув 27 июль куни бўлиб ўтади.
Париж—2024
1-тур
24 июль, чоршанба
Ўзбекистон — Испания 1:2
Голлар: 0:1 — Пубилл, 1:1 — 45+3 Шомуродов (пенальти), 1:2 — 62 Гомес.
Ўзбекистон U-23: 1. Абдувоҳид Неъматов, 5. Муҳаммадқодир Ҳамралиев, 4. Ҳусниддин Алиқулов, 3. Абдуқодир Ҳусанов, 6. Иброҳимҳалил Йўлдошев, 18. Абдурауф Бўриев (8. Русланбек Жиянов, 67), 15. Умарали Раҳмоналиев, 10. Жасур Жалолиддинов (17. Диёр Холматов, 67), 11. Остон Ўрунов (9. Ҳусайн Норчаев, 59), 14. Элдор Шомуродов (19. Иброҳим Ибрагимов, 78), 7. Аббосбек Файзуллаев.
Испания U-23: 1. Арнау Тенас, 2. Марк Пубилл, 4. Эрик Гарсия, 5. Пау Кубарси (12. Хон Пачеко, 46), 3. Хуан Миранда, 6. Пабло Барриос, 10. Алекс Баэна, 11. Фермин Лопес, 14. Аимар Орос, 17. Серхио Гомес, 9. Абел Руис.
Огоҳлантиришлар: Пау Кубарси (7), Жасур Жалолиддинов (36), Марк Пубилл (37), Абдурауф Бўриев (61), Диёр Холматов (68).
Изоҳ (0)