Футбол бўйича Ўзбекистон терма жамоаси ЖЧ—2026 саралаши доирасида 21 ноябрь, сешанба куни Эронга қарши баҳс олиб борди.
Учрашувнинг 14-дақиқасида Рамин Ризоян Эронни ҳисобда олдинга олиб чиқди. 38-дақиқада Меҳди Тареми учрашувдаги ҳисобни ишончли кўринишга олиб келди. Биринчи бўлим Эрон фойдасига ҳал бўлди.
Иккинчи бўлимда Ўзбекистон жонланди. 52-дақиқада Шомуродовнинг узатмасини Остон Ўрунов голга айлантириб, ҳисобни қисқартирди. 83-дақиқада эса эндигина майдонга тушган Игор Сергеев мувозанатни тиклади.
Қолган дақиқаларда дарвозалар ишғол этилмади ва ўйин дуранг натижа билан якунланди.
Эслатиб ўтамиз, Сречко Катанец шогирдлари 1-турда Туркманистон устидан 3:1 ҳисобида ғалаба қозонган эди.
ЖЧ—2026 саралаши
21 ноябрь, сешанба
Ўзбекистон – Эрон 2:2
Голлар: 0:1 — 14 Рамин Ризоян, 0:2 — 38 Тареми, 1:2 — 52 Остон Ўрунов, 2:2 — 83 Сергеев.
Ўзбекистон: 1. Ўткир Юсупов, 3. Ҳожиакбар Алижонов, 4. Фаррух Сайфиев, 5. Рустамжон Ашурматов (21. Игор Сергеев, 82), 7. Отабек Шукуров, 9. Одилжон Ҳамробеков, 10. Жалолиддин Машарипов (22. Аббосбек Файзуллаев, 62), 11. Остон Ўрунов (2. Абдуқодир Ҳусанов, 89), 14. Элдор Шомуродов, 15. Умарбек Эшмуродов, 23. Ҳусниддин Алиқулов.
Эрон: 1. Али Ризо Сафарберанвард, 4. Шожаэ Ҳалилзода, 5. Милад Муҳаммадкашмарзи, 6. Саид Изатолаҳи, 9. Меҳди Тареми, 13. Ҳусайн Конани, 14. Саман Годдос (18. Али Карими, 45), 16. Маҳди Тораби, 20. Сардор Азмун (15. Рузбеҳ Чешми, 75), 21. Муҳаммад Моҳебби (7. Меҳрдод Муҳаммади, 75), 23. Рамин Ризоян.
Огоҳлантиришлар: Ҳусниддин Алиқулов (3), Ҳусайн Конани (48) Фаррух Сайфиев (76).
Изоҳ (0)