8 май, жума куни дунёнинг турли бурчакларида олинган энг қизиқарли суратлар жамланмасини тақдим этамиз.
Нью-Йоркда тиббиёт ходими шифохона олдидаги деворга чизилган расм ёнида суратга тушмоқда. Фото: Shutterstock
Суриянинг Ҳалаб шаҳрида одамлар ифторлик қилмоқда. Фото: Reuters
Немис рассоми Михаэль Фишер-Арт Берлиндаги Бранденбург дарвозаси олдига урушларнинг маънисиз эканлиги тимсоли сифатида шиширилган танкни ўрнатди. Фото: DPA
Йокогамадаги Hakkeijima Sea Paradise кўнгилочар боғида сайр қилаётган пингвинлар. Фото: AFP
Йокогамадаги Hakkeijima Sea Paradise кўнгилочар боғида сайр қилаётган пингвинлар. Фото: AFP
Коронавирус инфекциясига қарши курашишда ёрдам бериш учун саккиз нафар ўзбекистонлик шифокор Тожикистонга жўнаб кетди. Фото: Соғлиқни сақлаш вазирлиги матбуот хизмати
Британиянинг Хармондсворт қишлоғида 73 ёшли Ражиндер Сингҳ ҳовлисида ўтказаётган машғулотларини интернетда эълон қилиб бормоқда ва шифокорлар учун пул тўпламоқда. Фото: Reuters
Гонконгда қонунчилик кенгаши йиғилишида қўмита раисини сайлаш жараёнида депутатлар ўртасида жанжал келиб чиқди. Фото: Reuters
Ҳиндистоннинг Калкутта шаҳрида тиббиёт ходимлари бозорга кираётган харидорларнинг тана ҳароратини текширмоқда. Фото: Shutterstock
Британия Қироллик ҳарбий-ҳаво кучлари Европада Ғалабанинг 75 йиллиги муносабати билан парвоз амалга оширмоқда. Фото: AFP
Орландо шаҳридаги черков яқинида кўнгиллилар томонидан тарқатилаётган озиқ-овқат маҳсулотларини олиб кетишга навбатда турган машиналар. Пандемия туфайли АҚШда ишсизлар сони кўпайиб бормоқда. Фото: Shutterstock
Бангладеш пойтахти Даккадаги Байтул Мукаррам масжидида жума намозини ўқиётган мусулмонлар. Мамлакатда коронавирус туфайли чекловлар бир оз енгиллаштирилди. Фото: Reuters
Мехикодаги шифохонада қариндоши коронавирусдан вафот этганини эшитган аёл. Фото: Reuters
Тайвандаги стадионда бейсбол ўйини бошланиши олдидан олинган сурат. Эндиликда ўйинни стадионда 1000 нафар мухлис кузатиб бориши мумкин. Фото: EPA
National Nurses United аъзолари Оқ уй яқинида оқ туфлиларни жойлаштириб, коронавирусга қарши кураш давомида вафот этган барча тиббиёт ходимлари номидан норозилик акцияси ўтказди. Фото: Reuters
Сингапурда Boston Dynamics’нинг робот-ити коронавирусга қарши курашда ёрдам бериш учун синовдан ўтказилмоқда. Фото: Reuters
Ҳиндистоннинг Аҳмадобод шаҳрида полиция ходими карантин қоидаларини бузган аёлни калтаги ёрдамида туртмоқда. Фото: Reuters
Жанубий Кореяда 8 майдан футбол бўйича мамлакат чемпионати бошланди. Ўйиндан олдин жамоа ходимлари текширувдан ўтказилди. Ҳозирча стадионларга мухлислар киритилиши тақиқланган. Фото: Shutterstock
Таиландда коронавирусга қарши вакцина устида ишлаётган олимлар ютуққа эришмоқда. Сичқонлар устида ўтказилган синовлар муваффақиятли чиққан. Фото: EPA
Польшада трамплиндан сакраш бўйича терма жамоа аъзоси Камила Карпиэль машғулот ўтказмоқда. Польшада чекловлар енгиллаштирилиб, очиқ осмон остида спорт билан шуғулланишга рухсат берилди. Фото: EPA
Калифорниядаги гуллар даласи. Фото: EPA
Шри-Ланкада Будданинг туғилган куни нишонланмоқда. Фото: EPA
Аввалги кунларнинг фотогалереялари:
Изоҳ (0)