Angliya futbol assotsiatsiyasi (FA) “Tottenhem”ning urugvaylik yarim himoyachisi Rodrigo Bentankurni jamoadoshi Son Hyon Min haqida irqchilikka oid hazil qilgani uchun 7 ta o‘yinga diskvalifikatsiya qildi. Bu haqda tashkilot saytida xabar berildi.
Iyul oyida ijtimoiy tarmoqlarda Bentankur ishtirokidagi video tarqalgandi, unda teleboshlovchi futbolchidan jamoadoshining futbolkasini so‘ragan.
“Sonni? Bu Sonnining amakivachchasining futbolkasi ham bo‘lishi mumkin. Ularning barchasi bir xil ko‘rinadi, deya javob bergan edi Bentankur.
Shundan so‘ng futbolchi ijtimoiy tarmoq orqali Sondan uzr so‘radi.
Angliya futbol assotsiatsiyasi (FA) Bentankurni “noto‘g‘ri xatti-harakatlar” va “etnik yoki irqiy haqoratomuz so‘zlarni ishlatganlik”da aybladi va 7 o‘yinga chetlatdi.
Izoh (0)